Yobo 4:20 - Mokanda na Bomoi

²⁰ Kobanda na tongo kino na pokwa, bakataka-kataka bango na biteni ; bakufaka mpo na libela, mpe moto ata moko te alandelaka likambo na bango ;

Yobo 4:20 ပူးပေါင်းရင်းမြစ်များ

2 Masolo ya Kala 15:6

Ekolo moko ezalaki kobundisa ekolo mosusu, engumba moko ezalaki kobundisa engumba mosusu, pamba te Nzambe azalaki kokotisa mobulu kati na bango na nzela ya pasi ya lolenge nyonso.

2 Masolo ya Kala 21:20

Yorami azalaki na mibu tuku misato na mibale ya mbotama tango akomaki mokonzi, mpe akonzaki mibu mwambe na Yelusalemi. Akendeki kaka ndenge wana, moto ata moko te ayokaki mawa. Bakundaki ye kati na engumba ya Davidi, kasi kati na bakunda ya bakonzi te.

Yobo 14:14

Nzokande, soki moto akufi, boni, akoki lisusu kozala na bomoi ? Nakozela kino lolenge na ngai ebongwana.

Yobo 14:2

Akolaka mpe akawukaka lokola fololo, awumelaka te lokola elili ya lipata oyo elekaka.

Yobo 14:20

Olongaka ye mbala moko, mpe akendaka na ye ; obebisaka elongi na ye mpe obenganaka ye.

Yobo 16:22

Solo, motango ya mibu na ngai ekomi pene ya kosila, mpe nakokende na ngai na nzela oyo bato bazongaka lisusu te.

Yobo 18:17

Bakanisaka ye lisusu te na mokili, kombo na ye etangamaka lisusu te na mabele.

Yobo 20:7

akobebisama libela lokola nyei na ye, mpe bato oyo bakomona ye bakoloba : ‹ Azali wapi ? ›

Banzembo 37:36

kasi alekaki noki mpe azalaki lisusu te ; nalukaki ye, kasi namonaki ye lisusu te.

Banzembo 39:13

Yawe, yoka libondeli na ngai ; yoka na bokebi, wana nazali koganga mpo na kosenga lisungi, kovanda nye te liboso ya mpinzoli na ngai, pamba te epai na Yo, nazali mopaya mpe moleki nzela lokola bakoko na ngai.

Banzembo 92:7

Moto ya kilikili ayebaka te, mpe zoba asosolaka eloko moko te.

Masese 10:7

Makanisi ya moto ya sembo ezali na lipamboli, kasi bakobosana kombo ya moto mabe.