Yobo 39:26 - Mokanda na Bomoi

²⁶ Boni, ezali na mayele na yo nde kombekombe epumbwaka mpe etandaka mapapu na yango na ngambo ya sude ?

Yobo 39:26 ပူးပေါင်းရင်းမြစ်များ

Jeremi 8:7

Ezala kutu nkongi, kati na likolo, eyebaka bileko ya kokende na bisika mosusu ; ebenga, ndeke ya mayi mpe mbilambila eyebaka ata tango ya kozonga, kasi bato na Ngai bayebi mibeko ya Yawe te.

Loyembo ya Salomo 2:12

Bafololo ebimi na mboka, tango ya koyemba banzembo ekoki. Makelele ya banzembo ya bibenga ekomi lisusu koyokana na mokili.

Deteronomi 14:15

maligbanga, kumu, ndeke ya ebale monene mpe bakombekombe ya lolenge nyonso.

Levitike 16:11

Aron akobonza, mpo na ye moko, ngombe ya mobali lokola mbeka mpo na masumu mpe akosala mosala ya bolimbisi masumu na ye moko mpe ya ndako na ye. Sima na ye kokata kingo ya ngombe ya mobali oyo abonzi mpo na ye moko lokola mbeka ya masumu,

Yobo 39:25

Soki kelelo ebeti, egangaka : ‹ Ah ! › Na mosika, eyokaka solo ya bitumba, koganga ya bakambi ya basoda mpe makelele ya bitumba.

Yobo 39:27

Na mitindo na yo nde mpongo emataka likolo mpe esalaka zala na yango na likolo ?