Yobo 37:4 - Mokanda na Bomoi

⁴ Sima na yango, konguluma na Ye ekoyokana, akoganga makasi na mongongo ya bokonzi na Ye ; akokanga mikalikali ya monoko na Ye te, wana mongongo na Ye ezali koyokana.

Yobo 37:4 ပူးပေါင်းရင်းမြစ်များ

Yobo 26:14

Soki makambo wana ezali kaka ndambo moke ya misala na Ye mpe mongongo na Ye ya se oyo toyokaka, nani akoki kososola bakake ya nguya na Ye ? »

Yobo 28:26

tango atiaki mobeko mpo na mvula mpe afungolaki nzela mpo na kake mpe mikalikali,

Yobo 37:2

Yoka ! Yoka makelele ya mongongo na Ye, makelele oyo ezali kobima na monoko na Ye.

Yobo 37:3

Azali kotinda yango na mokili mobimba, mpe kake na Ye kino na suka ya mokili.

Yobo 37:5

Na nzela ya mongongo na Ye ya makasi, Nzambe asalaka bikamwa, asalaka makambo minene, makambo minene oyo mayele na biso ekoki kososola te.

Yobo 40:9

Ozali na loboko lokola oyo ya Nzambe ? Mongongo na yo ekoki konguluma makasi lokola oyo ya Ye ?

Banzembo 18:14

Yawe agangaki wuta na Lola, mongongo ya Ye-Oyo-Aleki-Likolo eyokanaki na nzela ya mvula ya mabanga mpe makala ya moto.

Banzembo 68:33

Bino, babokonzi ya mabele, boyembela Nzambe ; boyemba banzembo mpo na lokumu ya Nkolo !

Deteronomi 33:26

Moko te akokani na Nzambe ya Yeshuruni, Nzambe oyo atambolaka na likolo lokola mpunda mpo na kosunga yo, mpe na mapata, kati na nkembo na Ye.