Yobo 15:2 - Mokanda na Bomoi

² « Boni, moto ya bwanya akopesaka solo eyano na maloba ya pamba boye, maloba oyo ezanga ata tina, to alingaka kotondisa libumu na ye na mopepe ya moto oyo ewutaka na Este ?

Yobo 15:2 ပူးပေါင်းရင်းမြစ်များ

Yobo 13:2

Nayebi makambo nyonso oyo bino boyebi, boleki ngai na eloko moko te.

Yobo 15:1

Elifazi, moto ya Temani, azwaki maloba mpe alobaki :

Yobo 15:3

Akoki solo komilobela na maloba ezanga ata tina ? Akoki solo kosalela maloba milayi oyo ezali ata na motuya te ?

Yobo 6:26

Bokanisi ete bokoki kosembola makambo oyo nazali koloba to kozwa lokola mopepe, maloba ya moto oyo azali na pasi ?

Yobo 8:2

« Kino tango nini okokoba koloba makambo ya boye ? Maloba na yo ezali te lokola mopepe makasi ?

Masese 16:23

Motema ya moto ya bwanya ekomisaka monoko na ye mayele, mpe bibebu na ye ebakisaka boyebi.

Mosakoli 5:15

Oyo mpe ezali lisusu pasi oyo epesaka mawa : ndenge moto ayaki, ndenge mpe akozonga. Bongo litomba na ye ezali nini ? Asali kaka mpo na mopepe ?

Oze 12:1

Efrayimi azingeli Ngai na lokuta, mpe libota ya Isalaele, na kokosa ; kasi Yuda azali nanu kotambola elongo na Nzambe, elongo na Mosantu ya solo.

Oze 12:2

Efrayimi aliaka mopepe ; mikolo nyonso, alandaka mopepe ya este ; mosala na ye kokosa mpe kosala bato mabe. Asalaka boyokani elongo na Asiri mpe atindaka mafuta ya olive na Ejipito.

Jake 3:13

Nani kati na bino azali moto ya bwanya mpe ya mayele ? Tika ete ezaleli malamu na ye emonisa misala na yango kati na komikitisa mpe na bwanya.