Yobo 15:12 - Mokanda na Bomoi

¹² Mpo na nini motema na yo ezali kopengwisa yo, mpe miso na yo ezali kobeta-beta ?

Yobo 15:12 ပူးပေါင်းရင်းမြစ်များ

Yobo 11:13

Nzokande, soki opesi Ye motema na yo mpe osemboli maboko na yo epai na Ye,

Yobo 15:13

Mpo ete obwakela Nzambe kanda na yo mpe obimisa makambo ya boye na monoko na yo ?

Yobo 17:2

Solo, batioli bazingeli ngai, miso na ngai ezali komona kotiola na bango.

Yobo 36:13

Bato oyo bayebi Nzambe te mpe mitema na bango etondisami na kanda, babelelaka Nzambe te tango akangaka bango minyololo.

Banzembo 35:19

Tika ete banguna na ngai basepela te na tina na ngai ; tika ete bayini na ngai na kozanga tina bakanga miso te.

Masese 6:13

Abetaka-betaka miso, apesaka bilembo na makolo na ye mpe alobaka na nzela ya bilembo ya misapi ;

Mosakoli 11:9

Elenge, sepela na bolenge na yo, mpe tika ete motema na yo esepela na mikolo ya bolenge na yo ! Landa nzela ya motema na yo mpe nyonso oyo esepelisaka miso na yo ; kasi yeba ete, mpo na makambo wana nyonso, Nzambe akosambisa yo.

Misala ya Bantoma 8:22

Boye, bongwana na mabe na yo mpe bondela Nkolo ete alimbisa yo, soki ekoki kosalema, mpo na makanisi oyo ozalaki na yango kati na motema na yo.