Yoane 9:4 - Mokanda na Bomoi

⁴ Lokola moyi ezali, esengeli na Ngai kosala misala ya Ye oyo atindaki Ngai ; butu ezali koya, oyo moto ata moko te akokoka kosala mosala.

Yoane 9:4 ပူးပေါင်းရင်းမြစ်များ

Mosakoli 9:10

Mosala nyonso oyo loboko na yo ekokoka kosala, sala yango na makasi na yo nyonso ; pamba te kati na mboka ya bakufi epai wapi okokende, ezala mosala, mabongisi, boyebi to bwanya ezalaka kuna te.

Matayo 20:7

Bazongisaki : « Soki totelemi boye, ezali mpo ete moto moko te azwi biso na mosala. » Bongo alobaki na bango : « Bino mpe bokende kosala na elanga na ngai ya vino. »

Malako 3:3

Bongo Yesu alobaki na moto oyo akufa loboko : — Telema na liboso ya bato nyonso.

Yoane 10:32

kasi Yesu alobaki na bango : — Nalakisi bino bikamwa mingi ya minene oyo esalemaki na nguya ya Tata ; mpo na likamwisi nini bolingi koboma Ngai na mabanga ?

Yoane 10:37

Soki nasalaka te misala ya Tata na Ngai, wana bondima na bino Ngai te.

Yoane 12:35

Yesu alobaki na bango : — Pole ezali nanu kati na bino mpo na mwa tango moke. Botambola, wana bozali na pole, mpo ete molili ekanga bino te na mbalakata ; pamba te moto oyo atambolaka kati na molili ayebaka te esika nini azali kotia lokolo.

Yoane 17:4

Namonisi nkembo na Yo awa na mokili mpe nasilisi mosala oyo opesaki Ngai.

Yoane 4:34

Yesu alobaki na bango : — Bilei na Ngai ezali : kosala mokano ya Ye oyo atindaki Ngai mpe kosilisa mosala oyo apesaki Ngai.

Yoane 5:19

Yesu alobaki na bango lisusu : Nazali koloba na bino penza ya solo : Mwana akoki kosala eloko moko te na ndenge na Ye moko, kasi azali kosala kaka makambo oyo azali komona Tata na Ye kosala ; pamba te makambo nyonso oyo Tata asalaka, yango mpe Mwana asalaka.

Yoane 5:36

Nzokande Ngai, nazali na litatoli moko ya monene na tina na Ngai moko koleka kutu oyo ya Yoane : misala oyo nazali kosala na Kombo ya Tata etatolaka na tina na Ngai ete ezali Tata nde atindaki Ngai.

Yoane 7:33

Yesu alobaki : — Nazali nanu elongo na bino mpo na mwa tango moke, bongo nakozonga epai ya Ye oyo atindaki Ngai.

Misala ya Bantoma 4:20

Pamba te biso, tokokoka te kotika koloba makambo oyo tomonaki mpe toyokaki !

Bagalatia 6:10

Boye, lokola tozali nanu na tango, tosalaka bolamu mpo na bato nyonso, mpe mingi-mingi mpo na libota ya bandimi.

Ba-Efeso 5:16

Bosalelaka tango na bino na ndenge ya malamu, pamba te mikolo ezali mabe.

Bakolose 4:5

Botambolaka na bwanya liboso ya bato oyo bazali bandimi te mpe bosalelaka tango na bino na ndenge ya malamu.