Yoane 9:1 - Mokanda na Bomoi

¹ Wana Yesu azalaki kokende, amonaki moto moko akufa miso wuta mbotama na ye.

Yoane 9:1 ပူးပေါင်းရင်းမြစ်များ

Ezayi 35:5

Boye, bakufi miso bakomona mpe bakufi matoyi bakoyoka.

Matayo 20:30

Bakufi miso mibale bazalaki ya kovanda pembeni ya nzela ; tango bayokaki ete Yesu azali koleka, bagangaki : — Nkolo, Mwana ya Davidi, yokela biso mawa !

Matayo 9:27

Tango Yesu alongwaki wana, bakufi miso mibale balandaki Ye na koganga : — Mwana ya Davidi, yokela biso mawa !

Malako 9:21

Yesu atunaki tata ya mwana : — Esali mikolo boni wuta mwana akoma boye ? Tata ya mwana azongisaki : — Wuta tango azalaki mwana moke penza.

Luka 8:43

Nzokande, ezalaki wana na mwasi moko oyo azalaki na bokono ya kotanga makila, mpe bokono yango ewumelaki mibu pene zomi na mibale ; mpe asilisaki bozwi na ye nyonso epai ya minganga, kasi moko te alongaki kobikisa ye na bokono yango.

Yoane 5:5

Ezalaki wana na moto moko oyo awumelaki na bokono mibu tuku misato na mwambe.

Yoane 8:59

Tango Bayuda bayokaki bongo, balokotaki mabanga mpo na kobamba Yesu, kasi abombamaki mpe abimaki libanda ya lopango ya Tempelo.

Yoane 9:2

Bayekoli na Ye batunaki Ye : — Moteyi, nani asalaki masumu mpo ete moto oyo abotama mokufi miso : boni, ezali ye moko to baboti na ye ?

Misala ya Bantoma 14:8

Kati na engumba Listre, ezalaki na moto moko akufa makolo. Wuta mbotama na ye, atikala kotambola te.

Misala ya Bantoma 28:4

Tango bavandi ya esanga bamonaki nyoka ezali kodiembela na loboko ya Polo, balobanaki bango na bango : — Solo, moto oyo azali penza mobomi ! Awuti kobika na likama ya ebale, kasi bosembo ya Nzambe elandi ye kaka mpo na koboma ye !

Misala ya Bantoma 4:22

Pamba te moto oyo abikaki na ndenge ya kokamwa azalaki na mibu koleka tuku minei.

Misala ya Bantoma 9:33

Kuna, amonaki moto moko alala na etoko wuta mibu mwambe mpo ete azalaki kobela bokono ya bukabuka ; kombo na ye « Ene. »