Yoane 21:16 - Mokanda na Bomoi

¹⁶ Yesu atunaki ye mpo na mbala ya mibale : — Simona, mwana mobali ya Yoane ; boni, olingaka Ngai ? Azongisaki : — Iyo, Nkolo ! Oyebi malamu ete nalingaka yo ! Yesu alobaki na ye : — Batela bampate na Ngai.

Yoane 21:16 ပူးပေါင်းရင်းမြစ်များ

Banzembo 100:3

Boyeba ete Yawe nde azali Nzambe ; Ye nde asala biso, mpe tozali bato na Ye. Solo, tozali bato na Ye mpe etonga oyo aleisaka.

Banzembo 95:7

Pamba te azali Nzambe na biso ; tozali bato oyo aleisaka, etonga oyo abatelaka. Lelo, soki boyoki mongongo na Ye,

Zakari 13:7

Oh mopanga, telema ! Tika ete otelema mpo na koboma mobateli bibwele na Ngai ! Tika ete oboma moninga na Ngai, » elobi Yawe, Mokonzi ya mampinga. « Beta mobateli bibwele, mpe bameme ekopalangana. Bongo nakoboma ata bibwele ya mike.

Matayo 2:6

« Bongo yo, Beteleemi, kati na mabele ya Yuda, ozali solo moke te kati na bingumba ya Yuda, pamba te Mokonzi oyo, lokola Mobateli bibwele, akotambolisa bato na Ngai, Isalaele, akobima nde kati na yo. »

Matayo 25:32

Bikolo nyonso ya mokili ekosangana liboso na Ye. Bongo akokabola bango na masanga mibale ndenge mobateli bibwele akabolaka bameme mpe bantaba :

Matayo 26:72

Petelo awanganaki yango lisusu na kolapa ndayi : — Nayebi moto wana te !

Luka 19:10

Pamba te Mwana na Moto ayaki mpo na koluka mpe kobikisa bato oyo babunga.

Yoane 18:17

Mwasi mosali oyo azalaki kokengela ekuke atunaki Petelo : — Boni, yo mpe ozali te moko kati na bayekoli ya moto wana ? Petelo azongisaki : — Nazali moyekoli na ye te.

Yoane 18:25

Wana Simona Petelo azalaki nanu koyetola moto, batunaki ye : — Yo mpe ozali te moko kati na bayekoli na ye ? Petelo awanganaki yango na koloba : — Te, nazali moyekoli na ye te.

Yoane 21:17

Bongo Yesu atunaki ye mpo na mbala ya misato : — Simona, mwana mobali ya Yoane ; boni, olingaka Ngai ? Petelo ayokaki mawa mingi kati na motema mpo ete ekomaki mbala ya misato oyo Yesu atunaki ye : « Olingaka Ngai ? » Bongo azongiselaki Yesu : — Nkolo, oyebi makambo nyonso ; oyebi malamu ete nalingaka Yo ! Yesu alobaki na ye : — Batela bameme na Ngai.

Misala ya Bantoma 20:28

Bomibatela malamu mpe bobatela etonga nyonso oyo kati na yango Molimo Mosantu atiaki bino lokola bakengeli ; bobatela Lingomba ya Nzambe, pamba te asombaki yango na makila na Ye moko.

Ba-Ebre 13:20

Tika ete Nzambe ya kimia, Ye oyo asekwisaki kati na bakufi Mobateli monene ya bameme, Yesu, Nkolo na biso, na nzela ya makila ya Boyokani ya seko,

1 Petelo 2:25

Pamba te bozalaki lokola bameme oyo ezali koyengayenga, kasi sik’oyo bozongi epai ya Mobateli bibwele oyo akengelaka bomoi na bino.

1 Petelo 5:2

Lokola babateli bibwele, bobatelaka malamu etonga oyo Nzambe apesi bino mokumba ya kokamba. Bosalaka bongo kolanda mokano ya Nzambe : na kotindika te, kasi na komipesa mobimba ; na makanisi te ya konduka mbongo, kasi na posa makasi ya kosalela bango ;

Emoniseli 7:17

pamba te Mpate oyo azali na kati-kati ya Kiti ya Bokonzi akozala Mobateli na bango, akomema bango na bitima ya mayi ya bomoi, mpe Nzambe akopangusa mpinzoli nyonso ya miso na bango.