Mitango 2:3 - Mokanda na Bomoi

³ Na ngambo ya este epai wapi moyi ebimaka, milongo ya mampinga ya Yuda bakotia molako na bango na se ya bendele na bango. Mokambi ya bato ya Yuda ezali Nashoni, mwana mobali ya Aminadabi.

Mitango 2:3 ပူးပေါင်းရင်းမြစ်များ

Ebandeli 35:22

Wana Isalaele azalaki kowumela na mokili wana, Ribeni ayaki kuna mpe asangisaki nzoto na Bila, makangu ya tata na ye ; mpe Isalaele ayokaki yango. Jakobi azalaki na bana mibali zomi na mibale :

Ebandeli 35:23

Bana mibali ya Lea : Ribeni, mwana mobali ya liboso ya Jakobi ; Simeoni, Levi, Yuda, Isakari mpe Zabuloni.

1 Masolo ya Kala 2:10

Rami azalaki tata ya Aminadabi ; mpe Aminadabi azalaki tata ya Nashoni, mokambi ya bato ya Yuda.

1 Masolo ya Kala 5:2

Yuda alekaki bandeko na ye nyonso ya mibali na makasi, mpe moto oyo akomaki mokonzi abimaki na nzela na ye. Kasi atako bongo, makoki ya bomwana ya liboso epesamaki kaka epai ya Jozefi.

Kobima 6:23

Aron abalaki Elisheba, mwana mwasi ya Aminadabi mpe ndeko mwasi ya Nashoni. Elisheba abotelaki Aron : Nadabi, Abiyu, Eleazari mpe Itamari.

Mitango 1:5

Tala bakombo ya mibali oyo bakosunga bino : mpo na libota ya Ribeni : Elitsuri, mwana mobali ya Shedewuri ;

Mitango 1:7

mpo na libota ya Yuda : Nashoni, mwana mobali ya Aminadabi ;

Mitango 10:5

Soki kelelo ebeti makasi, mabota oyo etongi molako na ngambo ya este ekokende.

Mitango 2:4

Mampinga na ye ezali na bato nkoto tuku sambo na minei na nkama motoba.

Mitango 3:38

Moyize, Aron mpe bana mibali ya Aron batongaki molako na bango na ngambo ya este ya Mongombo, epai wapi moyi ebimaka, etalana na Ndako ya kapo ya Bokutani. Bazalaki na mokumba ya kobatela Esika ya bule mpo na bolamu ya bana ya Isalaele. Moto mosusu oyo akopusana pene ya Esika ya bule, basengeli koboma ye.

Mitango 7:12

Na mokolo ya liboso, Nashoni, mwana mobali ya Aminadabi, moto ya libota ya Yuda, amemaki likabo na ye.

Mitango 7:17

mpe, lokola mbeka mpo na kozongisa boyokani, bangombe mibale ya mibali, bameme mitano ya mibali, bantaba mitano ya mibali mpe bana meme mitano ya mobu moko. Yango nde ezalaki makabo ya Nashoni, mwana mobali ya Aminadabi.

Matayo 1:4

Arami abotaki Aminadabi ; Aminadabi abotaki Nashoni, mpe Nashoni abotaki Salima ;

Rite 4:20

Aminadabi abotaki Nashoni, Nashoni abotaki Salima,