Mitango 11:31 - Mokanda na Bomoi

³¹ Boye, Yawe atindaki mopepe moko oyo ememaki bankanga wuta na ebale monene mpe ebwakaki yango na molako mpe na zingazinga na yango. Etando oyo bankanga ekweyaki ezalaki molayi ya mobembo ya mokolo moko na makolo, mpe ezipaki mabele na bosanda ya metele moko.

Mitango 11:31 ပူးပေါင်းရင်းမြစ်များ

Banzembo 105:40

Ndenge kaka basengaki, atindelaki bango bakayi mpe atondisaki bango na bilei ya likolo.

Banzembo 106:15

Apesaki bango biloko oyo bazalaki kosenga, kasi atindelaki bango lisusu pasi.

Banzembo 135:7

Amatisaka mapata wuta na suka ya mokili, atindaka mikalikali elongo na mvula, abimisaka mopepe wuta na bibombelo na yango.

Kobima 10:13

Boye Moyize asembolaki lingenda na ye na mokili ya Ejipito mpe Yawe atindaki mopepe ya este mokolo mobimba mpe butu mobimba. Mpe tango tongo etanaki, mopepe yango eyaki na mabanki.

Kobima 10:19

Bongo Yawe akomisaki mopepe ya este ekumbaki moko ya weste oyo ememaki mabanki mpe ebwakaki yango na ebale monene ya Barozo. Ata libanki moko te etikalaki na bisika nyonso ya Ejipito.

Kobima 15:10

Kasi Yo, Yawe, ofuli mopepe na Yo, mpe ebale monene ezipi bango. Bazindi lokola mbodi kati na mayi makasi.

Kobima 16:13

Kaka na pokwa wana, bakayi eyaki mpe etondisaki molako ; mpe na tongo, mamwe ezalaki zingazinga ya molako.

Mitango 11:30

Bongo, Moyize mpe bakambi nyonso ya Isalaele bazongaki na molako.