Matayo 25:8 - Mokanda na Bomoi

⁸ Baseka oyo bazalaki bazoba balobaki na ba-oyo bazalaki mayele : « Bopesa biso ndambo ya mafuta na bino, pamba te minda na biso ekomi pene ya kokufa. »

Matayo 25:8 ပူးပေါင်းရင်းမြစ်များ

Yobo 18:5

Solo, mwinda ya moto mabe ekufaka, moto na yango etikaka kopela.

Yobo 21:17

Mbala boni bazali koboma mwinda ya bato mabe ? Mbala boni pasi ezali kokitela bango ? Boni, Nzambe abombeli bango kanda na Ye ?

Banzembo 49:7

ba-oyo batielaka bomengo na bango motema mpe bamikumisaka mpo na bofuluki ya bozwi na bango ?

Masese 13:9

Pole ya bato ya sembo engengaka makasi, kasi mwinda ya bato mabe ekufaka.

Masese 20:20

Moto oyo alakelaka tata to mama na ye mabe, mwinda na ye ekokufa kati na molili.

Matayo 25:1

Bokonzi ya Likolo ekozala lokola baseka zomi oyo bakamataki minda na bango mpe bakendeki kokutana na mobali ya libala.

Matayo 25:7

Baseka nyonso balamukaki mpe babongisaki minda na bango.

Matayo 25:9

Kasi baseka oyo bazalaki mayele bazongisaki : « Te ! Ekokoka te mpo na biso mpe bino ! Ebongi nde bokima mbangu epai ya bateki mafuta mpo ete bosomba mafuta na bino moko. »

Matayo 3:9

Bokanisa kutu te komilobela na se ya mitema : ‹ Abrayami azali koko na biso ! › Nazali koloba na bino penza ya solo ete Nzambe azali na makoki ya kobimisa, wuta na mabanga oyo, bakitani mpo na Abrayami.

Luka 12:35

Bomilengela mpo na mosala mpe bobatela minda na bino ya kopela.

Luka 16:24

Mozwi akomaki koganga : « Tata Abrayami, yokela ngai mawa ! Tinda Lazare ete atia songe ya mosapi na ye kati na mayi mpo ete atangisela ngai mayi na lolemo, pamba te nazali koyoka pasi makasi kati na moto oyo. »

Luka 8:18

Boye, bosala keba na lolenge na bino ya koyoka ! Pamba te, na moto oyo azali na eloko, bakopesa ye lisusu ; kasi na ye oyo azangi, bakobotola ata oyo azali kokanisa ete azali na yango.

Misala ya Bantoma 8:24

Simona azongisaki : — Bobondela Nkolo mpo na ngai mpo ete, kati na oyo bowuti koloba, eloko moko te ekomela ngai.

Ba-Ebre 4:1

Yango wana, lokola elaka ya kokota kati na bopemi ya Nzambe ezali nanu, tosala keba ete moko kati na bino akanisa ete azangeli.

Emoniseli 3:9

Tala makambo oyo nakosala bato ya ndako ya mayangani ya Satana, oyo balobaka ete bazali Bayuda, nzokande bazali na bango Bayuda te ; bazali nde bakosi. Nakosala ete baya kofukama na makolo na yo mpe bandima ete nalingaka yo.