Masese 8:32 - Mokanda na Bomoi

³² Sik’oyo, mwana na ngai, yoka ngai : Esengo na bato oyo babatelaka banzela na ngai !

Masese 8:32 ပူးပေါင်းရင်းမြစ်များ

2 Samuele 22:22

Pamba te nabateli banzela ya Yawe, napesi Nzambe na ngai mokongo te lokola bato mabe.

Yobo 28:22

Libebi mpe kufa elobi : « Kaka sango na yango nde ekomaki na matoyi na biso. »

Banzembo 128:1

Nzembo ya mobembo mpo na kokende na Tempelo ya Yawe. Esengo na moto oyo atosaka Yawe mpe alandaka banzela na Ye !

Banzembo 18:21

Yawe asaleli ngai makambo wana kolanda bosembo na ngai, afuti ngai kolanda bopeto ya maboko na ngai ;

Masese 29:18

Soki emoniseli ezali te, bato bakotambola ngulungulu. Esengo na moto oyo atosaka Mobeko !

Masese 3:13

Esengo na moto oyo amoni bwanya ! Esengo na moto oyo azwi mayele !

Masese 3:18

Bwanya ezali nzete ya bomoi mpo na bato oyo basimbaka yango ; bato oyo bakokanga yango makasi bakozala na esengo.

Masese 5:7

Sik’oyo mwana na ngai, yoka ngai, kopesa maloba na ngai mokongo te ;

Masese 7:24

Sik’oyo, mwana na ngai ya mobali, yoka ngai, pesa ngai matoyi na yo mpo na koyoka maloba ya monoko na ngai !

Luka 11:28

Yesu azongisaki : — Esengo nde na bato oyo bayokaka Liloba na Nzambe mpe batosaka yango !