Masese 4:19 - Mokanda na Bomoi

¹⁹ Nzela ya bato ya mobulu ezali lokola molili, bayebaka te eloko nini ekokweyisa bango.

Masese 4:19 ပူးပေါင်းရင်းမြစ်များ

Yobo 12:25

mpo ete batepatepa kati na molili, na kozanga pole ; mpe asalaka ete batepatepa lokola moto alangwe masanga.

Yobo 18:18

Babenganaka ye na pole mpo ete akende na molili, mpe balongolaka ye na mokili.

Yobo 5:14

Molili eyelaka bango na moyi ; na moyi makasi, batambolaka na kotepatepa lokola na butu.

Banzembo 82:5

Bazangi boyebi mpe bososoli, bazali koyengayenga kati na molili ; miboko nyonso ya mokili ezali koningana.

Masese 2:13

na bato oyo batikaka nzela ya sembo mpo na kolanda nzela ya molili,

Masese 22:5

Nzela ya bato mabe ezalaka na banzube mpe mitambo, kasi moto oyo abatelaka molimo na ye azalaka mosika na yango.

Jeremi 13:16

Bopesa nkembo epai na Yawe, Nzambe na bino, liboso ete amemela bino molili, liboso ete makolo na bino ebeta mabaku na bangomba oyo ezipami na molili. Bino bozali kozela pole, kasi Ye akobongola yango molili makasi.

Jeremi 23:12

« Yango wana, nzela na bango ekokoma moselu mpe molili ; bakobengana bango kino na mboka ya molili mpe kuna bakokweya. Nakotindela bango pasi, tango oyo nakopesa bango etumbu, » elobi Yawe.

Matayo 15:14

Botika bango ; bazali bakufi miso oyo bazali kotambolisa bakufi miso mosusu. Nzokande, soki mokufi miso azali kotambolisa mokufi miso mosusu, bango mibale bakokweya solo kati na libulu.

Matayo 7:23

Bongo Ngai, nakoyebisa bango : ‹ Natikala koyeba bino te ! Bolongwa liboso na Ngai, bino bato mabe ! ›

Yoane 11:10

Nzokande, soki moto atamboli na butu, akobeta penza mabaku, pamba te pole ezali te.

Yoane 12:35

Yesu alobaki na bango : — Pole ezali nanu kati na bino mpo na mwa tango moke. Botambola, wana bozali na pole, mpo ete molili ekanga bino te na mbalakata ; pamba te moto oyo atambolaka kati na molili ayebaka te esika nini azali kotia lokolo.

1 Yoane 2:11

Kasi moto oyo ayinaka ndeko na ye azali kati na molili mpe azali kotambola kati na molili ; ayebi te epai azali kokende, pamba te molili esila koboma ye miso.

1 Samuele 2:9

Yawe akobatelaka makolo ya babulami na Ye, kasi bato mabe bakobunga kati na molili. Moto akotikala kolonga te na makasi na ye moko.