Masese 23:29 - Mokanda na Bomoi

²⁹ Mpo na nani : « Ah ngai, mawa ! » Mpo na nani : « Eh ! » Mpo na nani koswanaswana ? Mpo na nani kolelalela ? Mpo na nani kowelana ezanga tina ? Mpo na nani kotelisa miso ?

Masese 23:29 ပူးပေါင်းရင်းမြစ်များ

Ebandeli 19:33

Na butu wana, bazwaki masanga ya vino mpe bamelisaki tata na bango. Boye kulutu akendeki mpe asangisaki nzoto na tata na ye, mpe tata na ye atikalaki koyeba likambo yango te, ezala tango mwana na ye ya mwasi akendeki epai na ye to tango alongwaki.

Ebandeli 49:12

Miso na ye ekozala motane koleka vino, mpe minu na ye ekozala pembe koleka miliki.

2 Samuele 11:13

Davidi abengisaki ye. Iri aliaki mpe amelaki elongo na ye, mpe Davidi alangwisaki ye. Kasi na pokwa, Uri abimaki mpo na kokende kolala na mbeto na ye elongo na basali ya mokonzi, kasi akendeki na ndako na ye te.

2 Samuele 13:28

Abisalomi apesaki mitindo epai ya basali na ye : — Boyoka ! Tango Aminoni akolangwa masanga ya vino, soki nalobi na bino : « Bobeta Aminoni ; » wana boboma ye. Bobanga te, pamba te ezali ngai moko nde nakopesa mitindo oyo. Bozala makasi mpe boyika mpiko.

Masese 20:1

Vino elobisaka bato maloba ya soni, masanga ya makasi ememaka mobulu ; moto nyonso oyo amipesaka na yango akotikala te kokoma moto ya bwanya.

Masese 23:20

Kozala esika moko te na balangwi masanga to na bato ya lokoso,

Masese 23:21

pamba te balangwi masanga mpe bato na lokoso bakomaka babola, mpe bogoyigoyi ekolatisa bango bilamba epasuka.

Ezayi 5:11

Mawa na bato oyo balamukaka na tongo-tongo mpo na kowumela liboso ya masanga ya vino kino na butu, kino tango bakolangwa masanga !

Ezayi 5:22

Mawa na bato oyo bakenda sango ya komela vino mpe ya kosangisa masanga ya makasi :

Naumi 1:10

Bakokoma lokola bato oyo bazali kati na banzube, lokola bato oyo balangwe masanga ya vino ; bakozikisama nye lokola matiti ya kokawuka.

Ba-Efeso 5:18

Bolangwaka masanga te, pamba te ememaka na mobulu ; kasi botondisamaka na Molimo,