Masese 23:17 - Mokanda na Bomoi

¹⁷ Tika ete motema na yo elulaka te bato ya masumu, kasi zalaka tango nyonso na posa makasi ya kotosa Yawe ;

Masese 23:17 ပူးပေါင်းရင်းမြစ်များ

Banzembo 111:10

Kotosa Yawe ezali mosisa ya bwanya ; bato nyonso oyo batosaka Yawe bazali na mayele ya peto. Lokumu ya Yawe ezali ya libela na libela.

Masese 15:16

Kozala na eloko moko kati na kotosa Yawe ezali malamu koleka kozala na bomengo mingi kati na komitungisa.

Masese 24:1

Kolulaka te bato oyo basalaka mabe mpe kolukaka te kozala elongo na bango,

Masese 24:19

Kosilika te likolo ya bato oyo basalaka mabe, kolula te bato mabe ;

Masese 24:21

Mwana na ngai, tosaka Yawe mpe mokonzi, kosanganaka te na batomboki,

Masese 28:14

Esengo na moto oyo abangaka tango nyonso kosala mabe, kasi ye oyo ayeisaka motema na ye libanga akweyaka kati na pasi.

Masese 3:31

Kolulaka te moto ya mobulu mpe koponaka ata nzela moko te, kati na banzela na ye.

Mosakoli 5:6

Ndoto ebele mpe maloba ebele ezali kaka pamba ; yango wana tosa nde Nzambe.

Mosakoli 5:7

Soki omoni ete bazali konyokola mobola kati na mokili, bongo boyengebene mpe bosembo etiolami, kokamwa likambo yango te ; pamba te mokambi moko azali na se ya mokambi mosusu ; mpe na likolo na bango mibale, ezali na bakonzi mosusu oyo baleki na bokonzi.

Misala ya Bantoma 9:31

Kati na Yuda mobimba, Galile mpe Samari, Lingomba ezalaki na kimia, ezalaki kolenda mpe kotosa Nkolo, mpe motango ya bandimi na yango ezalaki kobakisama na lisungi ya Molimo Mosantu.

2 Bakolinto 7:1

Balingami na ngai, lokola tozali na bilaka ya lolenge oyo, tomipetolaka na nyonso oyo ekomisaka nzoto mpe molimo mbindo, mpo na kotambola na bomoi ya bosantu, kati na kotosa Nzambe.

1 Petelo 1:17

Lokola mpe bobelelaka Tata oyo aponaka bilongi te tango asambisaka bato nyonso kolanda misala na bango, botambola kati na kobanga Nzambe, wana bozali awa na mokili lokola bapaya.