Masese 22:18 - Mokanda na Bomoi

¹⁸ Pamba te ekozala esengo soki obombi yango na motema na yo, mpe soki yango nyonso ezali pene ya bibebu na yo.

Masese 22:18 ပူးပေါင်းရင်းမြစ်များ

Banzembo 119:103

Tala ndenge mitindo na Yo ezali elengi na monoko na ngai ! Ezali malamu koleka mafuta ya nzoyi.

Banzembo 119:111

Malako na Yo ezali libula na ngai mpo na libela, esalaka esengo ya motema na ngai.

Banzembo 119:13

Na monoko na ngai, natangaka mibeko na Yo nyonso.

Banzembo 119:162

Nasepelaka na liloba na Yo lokola moto oyo azwi bomengo ebele ya bitumba.

Banzembo 119:171

Tika ete bibebu na ngai ekumisa Yo, pamba te olakisaka ngai mitindo na Yo !

Banzembo 19:10

Kotosa Yawe ezali peto, ewumelaka libela na libela. Mitindo ya Yawe ezali ya solo, nyonso ezali penza sembo.

Masese 10:13

Bibebu ya moto ya mayele ezalaka na bwanya, kasi fimbu ezali malamu mpo na mokongo ya moto oyo azangi mayele.

Masese 10:21

Bibebu ya moto ya sembo ebikisaka bato ebele, kasi zoba akokufa na bozoba na ye.

Masese 15:7

Bibebu ya moto ya bwanya esopaka boyebi, kasi ezali bongo te na motema ya zoba.

Masese 16:21

Babengaka moto oyo azali na motema ya bwanya moto ya mayele, mpe bibebu ya kimia ebakisaka boyebi.

Masese 2:10

Pamba te bwanya ekokota kati na motema na yo mpe boyebi ekosepelisa molimo na yo.

Masese 22:19

Nateyi yo yango lelo mpo ete elikya na yo ezala kati na Yawe.

Masese 25:11

Liloba oyo elobami na tango oyo ekoki ezali lokola wolo oyo basangisi na palata.

Masese 3:17

Nzela na Ye ezali ya esengo, mpe banzela na Ye nyonso ya mike ezali ya kimia.

Masese 4:20

Mwana na ngai, zala na bokebi na maloba na ngai, pesa litoyi na yo na mateya na ngai.

Masese 4:21

Tika ete ezala te mosika ya miso na yo ! Batela yango malamu kati na motema na yo,

Masese 8:6

Boyoka, pamba te nazali na makambo ya motuya ya koyebisa bino, nafungoli monoko na ngai mpo na koloba makambo ya sembo.

Jeremi 15:16

Tango kaka nayokaki maloba na Yo, nayambaki yango na esengo ; maloba yango esepelisaki ngai mpe etondisaki motema na ngai na esengo ; pamba te babengaka ngai na Kombo na Yo, Yawe, Nzambe-Na-Nguya-Nyonso.

Malashi 2:7

Pamba te bibebu ya Nganga-Nzambe esengeli kobatela boyebi, mpe bato basengeli kozwa boyebi na monoko na ye mpo ete azali ntoma ya Yawe, Mokonzi ya mampinga.

Yoane 7:38

Moto oyo akondima Ngai, kolanda ndenge Makomi elobi, bibale ya mayi ya bomoi ekotiola wuta kati na ye.

Ba-Ebre 13:15

Yango wana, na nzela ya Yesu, tobonzelaka Nzambe tango nyonso mbeka ya masanzoli, elingi koloba : mbuma ya bibebu oyo etatolaka polele Kombo na Ye.