Masese 20:19 - Mokanda na Bomoi

¹⁹ Moto ya bilobaloba abimisaka basekele ; yango wana kima bato oyo balobaka mingi.

Masese 20:19 ပူးပေါင်းရင်းမြစ်များ

Banzembo 101:5

Nakosala ete avanda kimia, moto oyo apanzaka, na nkuku, basango ya lokuta mpo na kobebisa lokumu ya baninga. Nakokoka te kotala moto ya lolendo mpe moto ya lofundu.

Masese 11:13

Moto oyo aswanaka abimisaka basekele, kasi moto oyo azali na molimo ya sembo abombaka basekele.

Masese 13:3

Moto oyo abatelaka monoko na ye abatelaka molimo na ye, kasi moto oyo afungolaka monoko na ye makasi akosuka na libebi.

Masese 16:29

Moto ya mobulu abendaka moninga na ye mpe atambolisaka ye na nzela ya mabe.

Masese 18:8

Maloba ya moto ya songisongi ezalaka lokola bilei ya kitoko, ekitaka na esengo kino na libumu.

Masese 24:21

Mwana na ngai, tosaka Yawe mpe mokonzi, kosanganaka te na batomboki,

Levitike 19:16

Okokende te kotonga bato na yo bipai na bipai. Okosala eloko moko te oyo ekoyeisa pasi na bomoi ya moninga na yo. Nazali Yawe.

Barome 16:18

Bato ya lolenge oyo basalelaka nde mabumu na bango, kasi basalelaka Klisto, Nkolo na biso, te. Bapengwisaka makanisi ya bato ya bindima-ndima na nzela ya maloba na bango ya elengi mpe ya sukali.