Masese 2:9 - Mokanda na Bomoi

⁹ Boye, okososola likambo nini ezali solo, alima, sembo : nzela nyonso oyo ememaka na bolamu.

Masese 2:9 ပူးပေါင်းရင်းမြစ်များ

Banzembo 119:105

Liloba na Yo ezali mwinda mpo na makolo na ngai, mpe pole mpo na nzela na ngai.

Banzembo 119:99

Naleki balakisi na ngai nyonso na mayele, pamba te nakanisaka malako na Yo.

Banzembo 25:12

Banani bazali bato oyo batosaka Yawe ? Alakisaka bango nzela ya kopona.

Banzembo 32:8

Olobaki : « Nakopesa yo malako mpe nakolakisa yo nzela ya kolanda ; nakopesa yo toli mpe nakosenzela yo.

Masese 28:5

Bato mabe basosolaka te makambo ya bosembo, kasi bato oyo balukaka Yawe basosolaka yango nyonso.

Masese 4:12

Mpo ete makolo na yo ezala na mikakatano te tango okotambola ; mpe soki okimi mbangu, okokweya te.

Masese 4:18

Nzokande, nzela ya bato ya sembo ezali lokola pole ya tongo makasi, oyo kongenga na yango eyaka malembe-malembe kino tango moyi ekobima makasi.

Masese 8:20

Natambolaka na nzela ya bosembo, mpe nasalelaka banzela oyo ememaka na boyengebene,

Ezayi 35:8

Nzela moko ya monene ekoleka wana, bakobenga yango Balabala ya Bosantu. Moto moko te ya mbindo akoleka wana, pamba te ebongisamaki kaka mpo na bato ya Yawe. Boye ata zoba akoki te kobunga na nzela yango.

Ezayi 48:17

Tala liloba oyo Yawe, Mosikoli na yo, Mosantu ya Isalaele, alobi : « Nazali Yawe, Nzambe na yo, oyo ateyaka yo makambo ya malamu mpo na bolamu na yo ; oyo atambolisaka yo na nzela oyo osengeli kolanda.

Jeremi 6:16

Tala liloba oyo Yawe alobi : « Botelema na esika oyo nzela ekutana, botuna nzela ya kala mpe esika oyo nzela ya malamu ezali, bongo bolanda yango mpe bokozwa kimia mpo na mitema na bino. Kasi bolobaki : ‹ Tokolanda na biso yango te ! ›

Yoane 14:6

Yesu azongiselaki ye : — Ngai, nazali nzela, solo mpe bomoi. Moto moko te akoki koya epai ya Tata, soki na nzela na Ngai te.