Masese 2:14 - Mokanda na Bomoi

¹⁴ na bato oyo basepelaka kosala mabe, na bato oyo bazalaka na esengo ya kokota na bozindo ya mabe,

Masese 2:14 ပူးပေါင်းရင်းမြစ်များ

Masese 10:23

Kosala mabe esepelisaka moto oyo azangi mayele, kasi bwanya esepelisaka moto ya mayele.

Masese 21:10

Molimo ya moto mabe elingaka kaka makambo mabe ; ata moninga na ye penza azwaka ngolu te na miso na ye.

Masese 4:16

Pamba te balalaka pongi te soki basali nanu moto mabe te, mpe pongi ekimaka bango soki babomi moto te ;

Jeremi 11:15

« Eloko nini penza molingami na Ngai azali kosala kati na Tempelo na Ngai, wana azali kosala mabongisi mabe ebele ? Okanisi ete ndayi mpe misuni oyo ebulisama ekoki solo kolongola etumbu na yo ? Boni, okanisi ete okoki kobika na nzela wana ? »

Oze 7:3

Basepelisaka mokonzi na nzela ya misala na bango ya mabe ; basepelisaka mpe bakambi na nzela ya lokuta na bango.

Abakuki 1:15

Moto mabe azwaka yango nyonso na ndobo, akangaka yango na monyama mpe atiaka yango na kitunga. Yango wana asepelaka mpe atondaka na esengo.

Sofoni 3:11

Na mokolo wana, oh bato na Ngai, bokoyokisama lisusu soni te mpo na mabe nyonso oyo bosalaki Ngai, pamba te nakolongola bato oyo bamimatisaka na lolendo kati na bino. Boye bokomitombola lisusu te na lolendo na ngomba na Ngai ya bule.

Barome 1:32

Bayebi malamu ekateli ya sembo ya Nzambe ete bato oyo basalaka makambo ya lolenge wana basengeli na kufa, kasi bazali kaka kokoba kosala makambo wana nyonso mpe kondima bato oyo basalaka yango.

1 Bakolinto 13:6

Bolingo eyokaka mawa liboso ya bozangi bosembo, kasi esepelaka na bosolo.