Masese 2:10 - Mokanda na Bomoi

¹⁰ Pamba te bwanya ekokota kati na motema na yo mpe boyebi ekosepelisa molimo na yo.

Masese 2:10 ပူးပေါင်းရင်းမြစ်များ

Yobo 23:12

Napengwaki te mosika ya mateya ya bibebu na Ye ; nabatelaki yango lokola bomengo ya kitoko, koleka lipa na ngai ya mokolo na mokolo.

Banzembo 104:34

Tika ete maloba na ngai esepelisa Ye ! Tika ete Yawe azala esengo na ngai !

Banzembo 119:103

Tala ndenge mitindo na Yo ezali elengi na monoko na ngai ! Ezali malamu koleka mafuta ya nzoyi.

Banzembo 119:111

Malako na Yo ezali libula na ngai mpo na libela, esalaka esengo ya motema na ngai.

Banzembo 119:162

Nasepelaka na liloba na Yo lokola moto oyo azwi bomengo ebele ya bitumba.

Banzembo 119:97

Nalingaka mibeko na Yo mingi ! Nakanisaka yango mikolo nyonso.

Banzembo 19:10

Kotosa Yawe ezali peto, ewumelaka libela na libela. Mitindo ya Yawe ezali ya solo, nyonso ezali penza sembo.

Masese 1:4

mpo na kopesa mayele epai ya bazoba, mpe boyebi epai ya bilenge.

Masese 14:33

Bwanya ewumelaka kati na motema ya moto oyo azali na bososoli ; kasi boni, ekoyebana solo kati na bazoba ?

Masese 22:18

Pamba te ekozala esengo soki obombi yango na motema na yo, mpe soki yango nyonso ezali pene ya bibebu na yo.

Masese 4:6

kosundola bwanya te, mpe yango ekobatela yo, linga yango mpe ekobomba yo.

Jeremi 15:16

Tango kaka nayokaki maloba na Yo, nayambaki yango na esengo ; maloba yango esepelisaki ngai mpe etondisaki motema na ngai na esengo ; pamba te babengaka ngai na Kombo na Yo, Yawe, Nzambe-Na-Nguya-Nyonso.

Bakolose 3:16

Tika ete Liloba ya Klisto, kati na bomengo na yango nyonso, evanda kati na bino ; boteyanaka mpe bokebisanaka na bwanya nyonso, na nzela ya banzembo ya masanzoli, banzembo ya lokumu mpe banzembo oyo ewutaka na Molimo. Mpe boyembelaka Nzambe na kozongisa matondi kati na mitema na bino.