Masese 19:5 - Mokanda na Bomoi

⁵ Motatoli ya lokuta akozwa etumbu ; moto oyo akosaka akozanga te kozwa etumbu.

Masese 19:5 ပူးပေါင်းရင်းမြစ်များ

1 Bakonzi 13:18

Mosakoli ya mobange azongisaki : — Ngai mpe nazali mosakoli lokola yo. Anjelu moko ya Yawe alobaki na ngai kolanda etinda na Yawe : « Zonga na ye nzela moko na ndako na yo mpo ete alia lipa mpe amela mayi. » Nzokande azalaki kokosa ye.

1 Bakonzi 2:9

Kasi sik’oyo, kozwa ye te lokola moto oyo asali mabe te. Ozali na bwanya, okoyeba nini osengeli kosala mpo na ye. Kitisa suki na ye ya pembe kati na makila, na mboka ya bakufi. »

Banzembo 56:7

Basalaka makita, babombamaka, balandaka ngai mpo na kosala ngai mabe.

Kobima 20:16

Okolobaka te matatoli ya lokuta mpo na kokosela moninga na yo makambo.

Kobima 23:1

Okopanza sango ya lokuta te ; okosangana te na moto mabe mpo na koloba litatoli ya lokuta.

Masese 14:25

Motatoli oyo alobaka solo abikisaka bato ebele, kasi motatoli ya mabe alobaka lokuta.

Masese 14:5

Motatoli ya sembo akosaka te, kasi motatoli ya mabe alobaka lokuta.

Masese 19:9

Motatoli ya lokuta azwaka etumbu ; moto oyo akosaka akobebisama.

Masese 21:28

Motatoli ya lokuta akokufa, kasi moto oyo ayokaka akoloba tango nyonso.

Masese 6:19

motatoli mabe oyo alobaka lokuta mpe moto oyo alukaka makelele kati na bandeko.

Daniele 6:24

Mokonzi asepelaki makasi mpe apesaki mitindo ete babimisa Daniele wuta na libulu. Boye, babimisaki Daniele wuta na libulu mpe bamonaki ata pota moko te na nzoto na ye, pamba te azalaki na elikya na Nzambe na ye.

Deteronomi 5:11

Okotangaka te na pamba Kombo ya Yawe, Nzambe na yo, pamba te Yawe akopesa etumbu na moto nyonso oyo akotanga Kombo na Ye na pamba.