Masese 18:24 - Mokanda na Bomoi

²⁴ Moto oyo azalaka na balingami ebele amitiaka na pasi, kasi ezali na molingami moko ya motema, oyo aleki ata ndeko.

Masese 18:24 ပူးပေါင်းရင်းမြစ်များ

2 Samuele 1:26

Ah, Jonatan, ndeko na ngai ya mobali, nazali na pasi na motema mpo na yo ! Ozalaki motuya mingi mpo na ngai. Bolingo na yo mpo na ngai ezalaki makasi koleka bolingo ya mwasi !

2 Samuele 15:21

Itayi azongiselaki mokonzi : — Na Kombo na Yawe mpe na kombo ya mokonzi, nkolo na ngai, mosali na yo akozala bipai nyonso oyo mokonzi, nkolo na ngai, akozala, ezala mpo na bomoi to mpo na kufa.

2 Samuele 16:17

Abisalomi atunaki Ushayi : — Oyo nde bolingo nyonso oyo ozali kolakisa epai ya moninga na yo ? Mpo na nini okendeki te elongo na moninga na yo ?

2 Samuele 21:7

Mokonzi atikaki na bomoi Mefibosheti, mwana mobali ya Jonatan, mwana mobali ya Saulo, mpo na boyokani oyo ezalaki kati na bango mibale, Davidi mpe Jonatan, mwana mobali ya Saulo, tango Davidi alapaki ndayi na Kombo na Yawe.

Masese 17:17

Molingami alingaka tango nyonso, mpe akomaka ndeko na tango ya pasi.

Masese 27:10

Kosundola te molingami na yo to molingami ya tata na yo, mpe kokende te na ndako ya ndeko na yo tango ozali na pasi ; kozala na molingami ya pembeni ezali malamu koleka kozala na ndeko ya mosika.

Masese 27:9

Mafuta mpe malasi esepelisaka motema, mpe molingami malamu apesaka toli na motema ya esengo.

1 Samuele 18:1

Tango kaka Davidi asilisaki kosolola na Saulo, Jonatan akangamaki na Davidi mpe alingaki ye lokola ye moko.

1 Samuele 18:3

Jonatan asalaki boyokani elongo na Davidi, pamba te alingaki ye lokola ye moko.