Masese 16:5 - Mokanda na Bomoi

⁵ Moto nyonso ya lolendo azalaka nkele na miso ya Yawe ; solo, akozanga te kozwa etumbu.

Masese 16:5 ပူးပေါင်းရင်းမြစ်များ

Yobo 40:12

Tala bato nyonso ya lolendo, yokisa bango soni ! Nyata-nyata bato mabe na esika oyo bazali.

Kobima 20:7

Okotangaka te na pamba Kombo ya Yawe, Nzambe na yo, pamba te Yawe akopesa etumbu na moto nyonso oyo akotanga Kombo na Ye na pamba.

Masese 11:21

Moto mabe akosambisama solo, kasi bakitani ya bayengebene bakokangolama.

Masese 16:4

Yawe asalaka makambo nyonso na tina, ezala bato mabe, asala bango mpo na mokolo ya pasi.

Masese 16:6

Bolingo mpe bosembo elongolaka mbeba ; kotosa Yawe etindaka moto kokima mabe.

Masese 6:29

Boye, moto nyonso oyo akosangisa nzoto na mwasi ya ndeko na ye akozanga te kozwa etumbu.

Masese 8:13

Kotosa Yawe ezali koyina mabe. Nayinaka lolendo, lofundu, nzela ya masumu mpe monoko ya lokuta.

Ezayi 2:11

Na mokolo wana, moto ya lolendo akokitisa elongi, bato ya lofundu bakokitisama ; Yawe kaka nde akonetolama.

Ezayi 2:12

Yawe, Mokonzi ya mampinga, abongisa mokolo moko mpo na kokitisa bato nyonso ya lolendo mpe ya lofundu, bato nyonso oyo bamimatisaka,

Ezayi 3:11

Mawa na moto mabe ! Pasi ezali likolo na ye, pamba te akozwa lifuti kolanda misala na ye.

Jeremi 13:15

Boyoka malamu mpe bosala keba ! Bosala lolendo te, pamba te ezali Yawe nde alobi.

Jake 4:6

Nzokande, Nzambe atalisaka biso ngolu oyo eleki, pamba te Makomi eloba : « Nzambe atelemelaka bato ya lolendo, kasi atalisaka ngolu na Ye epai ya bato oyo bamikitisaka. »