Masese 15:31 - Mokanda na Bomoi

³¹ Moto oyo ayokaka pamela oyo epesaka bomoi avandaka kati na bato ya bwanya.

Masese 15:31 ပူးပေါင်းရင်းမြစ်များ

Masese 1:23

Soki boyoki makebisi na Ngai, nakosopela bino Molimo na Ngai mpe nakososolisa bino maloba na Ngai.

Masese 13:18

Bobola mpe soni ekomelaka bato oyo baboyaka koyekola, kasi moto oyo andimaka pamela akozwa lokumu.

Masese 13:20

Moto oyo asanganaka na bato ya bwanya akomaka moto ya bwanya, kasi moto oyo atambolaka nzela moko na bazoba akomona pasi.

Masese 15:30

Eloko oyo esepelisaka miso esepelisaka mpe motema ; sango malamu elendisaka mikuwa.

Masese 15:32

Moto oyo asundolaka koyekola atiolaka nde bomoi na ye moko, kasi moto oyo andimaka pamela akomaka mayele.

Masese 15:5

Moto oyo azangi mayele atiolaka mateya ya tata na ye, kasi moto oyo andimaka pamela akokoma mayele.

Masese 18:15

Motema ya moto ya mayele ezwaka mayele, mpe litoyi ya moto ya bwanya elukaka boyebi.

Masese 19:20

Yoka toli mpe ndima mateya, mpo ete okoma moto ya bwanya.

Masese 25:12

Pamela ya moto ya bwanya epai ya moto oyo ayokaka ezali lokola wolo ya peto mpe sheneti ya wolo.

Mosakoli 7:5

Koyoka pamela ya moto ya bwanya ezali malamu koleka koyoka banzembo ya zoba.

Ezayi 55:3

Bopesa Ngai matoyi na bino mpe boya epai na Ngai, boyoka mpe bokozala na bomoi ; nakosala boyokani ya libela elongo na bino, boyokani oyo nalakaki Davidi, na boyengebene mpe na bolingo na Ngai.

1 Yoane 2:19

Banguna yango babimelaki kati na biso, kasi bazalaki penza bato na biso te. Pamba te soki bazalaki bato na biso, balingaki kotikala na biso ; kasi batikaki biso mpo ete emonana polele ete bango nyonso bazali bato na biso te.