Masese 15:30 - Mokanda na Bomoi

³⁰ Eloko oyo esepelisaka miso esepelisaka mpe motema ; sango malamu elendisaka mikuwa.

Masese 15:30 ပူးပေါင်းရင်းမြစ်များ

Esidrasi 9:8

Kasi sik’oyo, oh Yawe, Nzambe na biso, na mwa tango moke, osaleli biso ngolu ya kobikisa ndambo ya bato kati na biso mpe ya kopesa biso esika kati na mokili na Yo ya bule. Na boye, Yo Nzambe na biso, ongengisi miso na biso na pole mpe opesi biso lisungi kati na bowumbu na biso.

Banzembo 89:15

Bosembo mpe alima ezali miboko ya Kiti ya Bokonzi na Yo, boyengebene mpe bolingo etambolaka liboso na Yo.

Masese 12:25

Motema oyo etondi na komitungisa ekobuka moto, kasi liloba ya esengo esepelisaka moto.

Masese 13:9

Pole ya bato ya sembo engengaka makasi, kasi mwinda ya bato mabe ekufaka.

Masese 15:29

Yawe azalaka mosika ya bato mabe, kasi ayokaka libondeli ya bayengebene.

Masese 15:31

Moto oyo ayokaka pamela oyo epesaka bomoi avandaka kati na bato ya bwanya.

Masese 17:22

Motema ya esengo ebikisaka nzoto, kasi motema oyo etutami ebukaka mikuwa.

Masese 25:25

Basango ya malamu oyo ewuti na mokili ya mosika ezali lokola mayi ya pio kati na motema ya moto oyo azali na posa ya mayi.

Masese 3:8

Ekozala kisi mpo na kokomisa nzoto na yo kolongono mpe kolendisa mikuwa na yo.

Mosakoli 11:7

Pole ezali malamu, mpe miso esepelaka komona moyi.

Ezayi 58:11

Yawe akotambolisa yo tango nyonso, akokokisa baposa na yo kati na mokili ekawuka mpe akokembisa mikuwa na yo. Okozala lokola elanga oyo basopeli mayi, lokola liziba oyo mayi na yango ekawukaka te.

Emoniseli 21:23

Engumba yango ezali na posa te ya moyi to ya sanza mpo na kongengisa yango, pamba te engengisamaka na nkembo ya Nzambe ; bongo Mpate azali mwinda na yango.

Emoniseli 22:5

Butu ekozala lisusu te. Bakozala na posa te ya pole ya mwinda to ya moyi, pamba te Nkolo Nzambe akongengisa bango na pole na Ye. Mpe bakokonza seko na seko.