Masese 14:9 - Mokanda na Bomoi

⁹ Bazoba balingaka te kosenga bolimbisi, kasi ngolu na Nzambe ezalaka kati na bato ya sembo.

Masese 14:9 ပူးပေါင်းရင်းမြစ်များ

Yobo 15:16

ekozala boni mpo na moto mabe, moto oyo abeba, oyo asalaka mabe lokola azali komela mayi ?

Masese 1:22

« Yo moto oyo ozangi mayele, kino tango nini okolinga bozoba na yo ? Kino tango nini batioli bakokoba kosepela kotiola ? Mpe bino bazoba, kino tango nini bokokoba koyina mayele ?

Masese 10:23

Kosala mabe esepelisaka moto oyo azangi mayele, kasi bwanya esepelisaka moto ya mayele.

Masese 11:20

Bato ya kilikili bazalaka nkele na miso ya Yawe, kasi bato oyo bazangi pamela basepelisaka Ye.

Masese 12:2

Moto ya malamu azwaka ngolu na miso ya Yawe, kasi Nzambe akatelaka moto ya mayele mabe etumbu.

Masese 13:15

Boyebi ememelaka bato ngolu, kasi nzela ya bato oyo babukaka mibeko ezalaka pasi.

Masese 3:34

asambwisaka batioli, kasi atalisaka ngolu na Ye epai ya bato oyo bamikitisaka.

Masese 3:4

Okozwa ngolu mpe kombo ya malamu na miso ya Nzambe mpe na miso ya bato.

Masese 30:20

Tala ndenge mwasi ya ndumba asalaka : Soki alie, apangusaka monoko ; mpe na sima, akoloba : « Nasali na ngai mabe te ! »

Masese 8:35

Pamba te moto oyo amoni ngai amoni bomoi mpe azwi ngolu na miso ya Yawe.

Levitike 5:7

Soki moto azangi makoki ya kozwa mwana meme, akomema epai na Yawe bibenga mibale ya zamba to bana mibale ya ebenga ya mboka : moko ekozala mbeka mpo na masumu, mpe mosusu, mpo na mbeka ya kotumba.

Jide 1:18

Balobaki na bino : « Na tango ya suka, ekozala na batioli oyo bakotambola kolanda baposa na bango, oyo ekotindika bango na koboya kotosa makambo ya Nzambe. »