Masese 12:25 - Mokanda na Bomoi

²⁵ Motema oyo etondi na komitungisa ekobuka moto, kasi liloba ya esengo esepelisaka moto.

Masese 12:25 ပူးပေါင်းရင်းမြစ်များ

Banzembo 38:6

Bapota na ngai epoli mpe ekomi kolumba solo mpo na bozoba na ngai.

Banzembo 42:11

Nzoto na ngai ekomaka kosala pasi makasi tango bayini na ngai bafingaka ngai, tango balobaka na ngai mokolo mobimba : « Wapi Nzambe na yo ? »

Masese 12:18

Maloba ya bato oyo balobaka mingi ezokisaka lokola mopanga, kasi lolemo ya bato ya bwanya ezali lokola mafuta oyo ebikisaka.

Masese 12:26

Moyengebene alakisaka baninga na ye nzela, kasi nzela ya moto mabe ebungisaka ye moko moto mabe.

Masese 14:10

Motema eyebaka pasi na yango moko, moko te akoki kokabola na yango esengo.

Masese 15:13

Motema ya esengo engengisaka elongi, kasi motema ya mawa elembisaka molimo.

Masese 15:15

Mikolo nyonso ezalaka mabe mpo na moto oyo azali na pasi, kasi bomoi ya moto oyo azali na esengo ezalaka tango nyonso na feti.

Masese 15:23

Kozongisa eyano ya malamu epesaka moto esengo, mpe liloba oyo elobami na tango oyo ekoki ezalaka kitoko.

Masese 15:30

Eloko oyo esepelisaka miso esepelisaka mpe motema ; sango malamu elendisaka mikuwa.

Masese 16:24

Maloba ya elengi ezalaka lokola mafuta ya nzoyi, epesaka kimia na motema mpe lobiko na mikuwa.

Masese 17:22

Motema ya esengo ebikisaka nzoto, kasi motema oyo etutami ebukaka mikuwa.

Masese 18:14

Kimia kati na motema elendisaka moto na tango ya bokono, kasi nani akokoka kolendisa motema oyo etutami ?

Masese 25:11

Liloba oyo elobami na tango oyo ekoki ezali lokola wolo oyo basangisi na palata.

Masese 27:9

Mafuta mpe malasi esepelisaka motema, mpe molingami malamu apesaka toli na motema ya esengo.

Ezayi 50:4

Nkolo Yawe apesaki ngai maloba ya bayekoli, mpo ete nakoka kolendisa na nzela ya liloba moto oyo alembi ; alamusaka ngai tongo nyonso, alamusaka litoyi na ngai mpo ete nayoka lokola moyekoli.

Zakari 1:13

Yawe abimisaki maloba ya kimia mpe ya kobondisa, na monoko ya Anjelu oyo azalaki koloba na ngai.