Masese 11:13 - Mokanda na Bomoi

¹³ Moto oyo aswanaka abimisaka basekele, kasi moto oyo azali na molimo ya sembo abombaka basekele.

Masese 11:13 ပူးပေါင်းရင်းမြစ်များ

Masese 10:19

Moto oyo alobaka maloba ebele azangaka te kosala masumu, kasi moto oyo abatelaka bibebu na ye azali moto ya bwanya.

Masese 11:12

Moto oyo atiolaka moninga na ye azangi mayele, kasi moto ya mayele avandaka kimia.

Masese 12:23

Moto ya mayele abombaka boyebi, kasi motema ya zoba etatolaka makambo ya bozoba.

Masese 14:5

Motatoli ya sembo akosaka te, kasi motatoli ya mabe alobaka lokuta.

Masese 19:11

Bwanya ya moto ekomisaka ye motema molayi ; mpe azwaka lokumu tango atalaka pamba mabe oyo basalaka ye.

Masese 20:19

Moto ya bilobaloba abimisaka basekele ; yango wana kima bato oyo balobaka mingi.

Masese 25:9

Soki ozali kowelana na moninga na yo, kobimisa sekele ya moto mosusu te,

Jeremi 38:27

Bakalaka nyonso bayaki epai ya Jeremi mpe batunaki ye mituna ; ye mpe ayebisaki bango makambo nyonso, ndenge kaka mokonzi atindaki ye. Boye, lokola bazalaki lisusu na likambo ya koloba na ye te, pamba te moto moko te ayokaki masolo na ye na mokonzi, babendanaki na kimia.

Levitike 19:16

Okokende te kotonga bato na yo bipai na bipai. Okosala eloko moko te oyo ekoyeisa pasi na bomoi ya moninga na yo. Nazali Yawe.

1 Timote 5:13

Mpe tina mosusu oyo okotanga bango te na molongo ya basi bakufisa mibali ezali ete bakokoma bagoyigoyi mpe bakokoma koyengayenga na bandako ya bato mosusu. Na bongo, bakokoma bagoyigoyi kaka te, kasi mpe bato na bilobaloba, bato na songisongi mpe bato oyo balobaka makambo oyo basengeli kutu koloba te.

Jozue 2:14

Banongi bayebisaki ye : — Solo, tolapi ndayi, tokondima kokufa mpo na bino soki olobi te makambo oyo tozali kosala. Tokosalela bino bolamu mpe ngolu tango Yawe akopesa biso mokili oyo.

Jozue 2:20

Soki mpe olobi makambo oyo biso tozali kosala, tokozala na ngambo te liboso ya ndayi oyo olapisi biso.