Masese 1:28 - Mokanda na Bomoi

²⁸ Bakoganga epai na Ngai, kasi nakoyanola bango te ; bakoluka Ngai na ngonga ya malamu, kasi bakomona Ngai te.

Masese 1:28 ပူးပေါင်းရင်းမြစ်များ

Ebandeli 6:3

Yango wana, Yawe alobaki : « Pema na Ngai ekowumela libela te kati na moto, pamba te abengami na kokufa ; mibu ya bomoi na ye ekozala kaka nkama moko na tuku mibale. »

Yobo 27:9

Boni, Nzambe ayokaki koganga na ye tango pasi ekomelaki ye ?

Yobo 35:12

Ata bagangi, Nzambe akoyanola te, mpo na lolendo ya bato mabe.

Banzembo 18:41

Okimisaka banguna na ngai mosika na ngai, mpe nabebisaka bayini na ngai.

Banzembo 18:42

Bagangaka mpo na koluka lisungi, kasi moto oyo akokaki kobikisa bango azalaka te ; babelelaka Yawe, kasi ayanolaka bango te.

Banzembo 66:18

Soki nazalaki na masumu kati na motema na ngai, Nkolo alingaki koyoka ngai te.

Masese 15:29

Yawe azalaka mosika ya bato mabe, kasi ayokaka libondeli ya bayengebene.

Masese 8:17

Nalingaka bato oyo balingaka ngai, mpe bato oyo balukaka ngai bamonaka ngai.

Loyembo ya Salomo 5:6

Nafungolelaki mobali na ngai ya motema ndako, kasi akendeki na ye mpe alimwaki. Nakweyaki mayanga wana azalaki koloba ; nalukaki ye, kasi namonaki ye lisusu te ; nabengaki ye, kasi ayanolaki ngai te.

Ezayi 1:15

Tango bokotombola maboko na bino mpo na kobondela, nakolongola miso na Ngai likolo na bino ; ezala soki bosambeli mingi, nakoyoka bino te, pamba te maboko na bino etondi na makila.

Jeremi 11:11

Yango wana, tala liloba oyo Yawe alobi : « Nakotindela bango pasi ya makasi, mpe ata moto moko te akobika na yango. Ata soki bagangi epai na Ngai, nakoyoka bango te.

Jeremi 14:12

Ata soki bakili bilei, nakoyoka kolela na bango te ; ata soki babonzi mbeka ya kotumba mpe ya bagato, nakondima yango te. Nzokande, nakobebisa bango na mopanga, na nzala makasi mpe na bokono oyo ebomaka.

Ezekieli 8:18

Mpo na yango, Ngai mpe nakopesa bango etumbu na kanda, nakoyokela bango mawa te mpe nakobikisa bango te. Ata bagangi na matoyi na Ngai, nakoyoka bango te. »

Oze 5:15

Nakozonga epai na Ngai kino tango bakososola mabe na bango mpe bakoluka elongi na Ngai ; kati na pasi, bakoluka Ngai makasi.

Oze 5:6

Tango bakokende koluka Yawe, elongo na bangombe mpe bameme na bango, bakomona Ye te, pamba te akabwanaki na bango.

Amosi 8:12

Bato bakotelengana na bibale nyonso, bakoyengayenga longwa na nor kino na este mpo na koluka Liloba na Yawe, kasi bakotikala komona yango te.

Mishe 3:4

Yango wana, tango bakobelela Yawe, akoyanola bango te. Na tango wana, akobombela bango elongi na Ye likolo ya mabe na bango nyonso oyo basalaki.

Zakari 7:13

Boye, Yawe, Mokonzi ya mampinga, alobaki : « Lokola bayokaki Ngai te tango nazalaki kobenga bango, Ngai mpe nayokaki bango te tango babengaki Ngai.

Deteronomi 1:45

Bozongaki mpe bolelaki liboso ya Yawe, kasi aboyaki koyoka kolela na bino, akangaki matoyi na Ye.

Jake 4:3

Kasi soki bosengaka epai ya Nzambe mpe bozwaka te, ezali mpo ete bosengaka na makanisi mabe, na makanisi ya kosepelisa kaka baposa na bino moko.

1 Samuele 8:18

Bongo na mokolo wana, tango bokobanda kolelalela mpo na mokonzi oyo bino moko bokomiponela, na mokolo yango, Yawe akoyanola bino ata moke te.