Luka 6:25 - Mokanda na Bomoi

²⁵ Mawa na bino oyo bozali ya kotonda sik’oyo, pamba te bokozala na nzala ! Mawa na bino oyo bozali koseka sik’oyo, pamba te bokozala na mawa mpe bokolela !

Luka 6:25 ပူးပေါင်းရင်းမြစ်များ

Banzembo 49:19

Atako, wana azalaki na bomoi, azalaki komimona moto apambolama— atako bato bakokumisa yo, pamba te omisali bolamu—

Masese 14:13

Ezala kati na koseka, motema ekoki kozala na mawa, mpe esengo ekoki kosuka na mawa.

Masese 30:9

pamba te soki natondi makasi, nakoki kowangana Yo mpe koloba : « Yawe nde nani ? » To soki nazali na bobola, nakoki koyiba mpe koyokisa Kombo ya Nzambe na ngai soni.

Mosakoli 2:2

Na tina na koseka, nalobaki : « Ezali na yango kaka bozoba ! » Bongo na tina na elengi, nalobaki : « Esalaka nini ? »

Mosakoli 7:3

Mawa eleki koseka na malamu, pamba te elongi ya mawa eyeisaka motema esengo.

Mosakoli 7:6

Koseka ya bazoba ezalaka lokola makelele ya basende oyo ezali kozika na se ya nzungu ; wana mpe ezali pamba.

Ezayi 28:7

Mpe lisusu, Banganga-Nzambe mpe basakoli bapengwi mpo na masanga ya vino ; masanga makasi ekomi kotengisa-tengisa bango ; masanga epengwisi bango, vino ebungisi bango, masanga makasi ekomi kotengisa-tengisa bango ; bakomi kobunga na bimoniseli na bango, bakomi kokata makambo na ndenge esengeli te.

Ezayi 65:13

Mpo na yango, Nkolo Yawe alobi : « Bawumbu na Ngai bakolia, kasi bino bokozala na nzala ; bawumbu na Ngai bakomela, kasi bino bokotikala kaka na posa ya komela ; bawumbu na Ngai bakosepela, kasi bino bokoyoka soni ;

Ezayi 8:21

Bakokatisa mokili, na pasi mpe na nzala ; mpe tango bakokoma na nzala, bakokoma kanda-kanda, bakotala likolo mpe bakolakela mokonzi mpe Nzambe na bango mabe.

Ezayi 9:20

Manase akolia Efrayimi, mpe Efrayimi akolia Manase ; bango mibale bakosangana mpe bakobalukela Yuda. Kasi atako bongo, kanda ya Yawe ekitaki kaka te, loboko na Ye etikalaki kaka ya kosembolama.

Amosi 8:10

Nakokomisa mikolo ya bafeti na bino mikolo ya matanga, banzembo na bino ya esengo banzembo ya mawa. Nakosala ete bino nyonso bolata basaki, mpe bakokokola bino suki ya moto. Nakoyeisa matanga kati na mokili lokola matanga ya libota oyo esili kokufisa mwana se moko oyo bazalaki na ye, mpe suka na yango ekozala bobele se pasi makasi.

Naumi 1:10

Bakokoma lokola bato oyo bazali kati na banzube, lokola bato oyo balangwe masanga ya vino ; bakozikisama nye lokola matiti ya kokawuka.

Luka 12:20

Kasi Nzambe alobaki na ye : « Zoba ! Na butu ya lelo kaka, okokufa. Bongo nani akokoma nkolo biloko nyonso oyo ondukaki mpo na yo moko ? »

Luka 13:28

Kolela mpe koswa minu ekozala kuna, tango bokomona Abrayami, Izaki, Jakobi mpe basakoli nyonso kati na Bokonzi ya Nzambe ; kasi bino, bokobwakama libanda.

Luka 6:24

Kasi mawa na bino oyo bozali bazwi, pamba te bosili kozwa kobondisama na bino !

Luka 6:26

Mawa na bino soki bato nyonso bazali koloba malamu na tina na bino, pamba te ezali ndenge wana nde bakoko na bango basalaki basakoli ya lokuta !

Luka 8:53

Bato basekaki Yesu, wana bayebaki ete asilaki kokufa.

Ba-Efeso 5:4

Ezali mpe malamu te mpo na bino kobimisaka maloba ya bozoba, ya bosoto mpe ya maseki, kasi ebongi nde kozongisaka matondi.

1 Batesalonika 5:3

Tango bato bakokoma koloba : « Tozali sik’oyo na kimia, mpe tozali lisusu na mitungisi te, » ekozala na tango wana nde libebi ekokweyela bango na mbalakata, lokola pasi ya mwasi oyo azali kobota, mpe bakokoka kokima te.

Jake 4:9

Botala pasi na bino, bosala matanga mpe bolela. Tika ete koseka na bino ebongwana kolela, mpe esengo na bino ekoma mawa !

Emoniseli 3:17

Olobaka : « Nazali mozwi ! Nakomi na bozwi ebele mpe nazali na posa ya eloko te. » Kasi ozali koyeba te ete ozali moto ya pasi mpe ya mawa, ozali nde mobola, mokufi miso mpe ozali bolumbu.

1 Samuele 2:5

Bato oyo bazalaki na bozwi ebele bakomi koluka mosala mpo na bilei, kasi ba-oyo bazalaki kokelela batiki kosala. Mwasi oyo abotaki te akobota mbala sambo, kasi mwasi oyo abotaki bana ebele akobota lisusu te.