Luka 5:11 - Mokanda na Bomoi

¹¹ Boye bamemaki babwato na mokili, batikaki nyonso mpe balandaki Yesu.

Luka 5:11 ပူးပေါင်းရင်းမြစ်များ

Matayo 10:37

Moto nyonso oyo alingaka tata na ye mpe mama na ye koleka Ngai abongi te mpo na kozala moto na Ngai. Moto nyonso oyo alingaka mwana na ye ya mobali to mwana na ye ya mwasi koleka Ngai abongi te mpo na kozala moto na Ngai.

Matayo 19:27

Petelo azwaki maloba mpe alobaki na Yesu : — Biso, totiki nyonso mpo na kolanda Yo ! Ekozala boni mpo na biso ?

Matayo 19:29

Mpe moto nyonso oyo atiki bandako, bandeko ya mibali, bandeko ya basi, tata, mama, bana to bilanga mpo na Kombo na Ngai akozwa yango koleka mbala nkama elongo na bomoi ya seko.

Matayo 4:20

Mbala moko, batikaki minyama na bango mpe balandaki Yesu.

Matayo 4:22

mpe, mbala moko, batikaki bwato mpe tata na bango, bongo balandaki Yesu.

Malako 10:21

Yesu atalaki ye, asepelaki na ye mingi mpe alobaki na ye : — Ozangi eloko moko kaka : kende, teka biloko na yo nyonso mpe pesa mbongo oyo okozwa epai ya babola ; bongo okozwa bomengo kati na Likolo. Sima na yango, yaka mpe landa Ngai.

Luka 5:28

Levi atelemaki, atikaki biloko nyonso mpe alandaki Yesu.