Luka 2:6 - Mokanda na Bomoi

⁶ Wana bazalaki na Beteleemi, mokolo na ye ya kobota ekokaki.

Luka 2:6 ပူးပေါင်းရင်းမြစ်များ

Banzembo 33:11

Kasi mikano ya Yawe etikalaka mpo na seko, mabongisi ya motema na Ye, mpo na bikeke nyonso.

Masese 19:21

Motema ya moto ezalaka na makanisi ebele, kasi ezali mokano ya Yawe nde ekokisamaka.

Mishe 5:2

Yango wana, Yawe akosundola Isalaele kino tango mwasi oyo azali na pasi ya kobota akobota, mpe ndambo ya bandeko na ye, oyo bakotikala bakozonga epai ya bandeko na bango, bana ya Isalaele.

Luka 1:57

Wana eleko oyo Elizabeti asengelaki kobota ekokaki, abotaki mwana mobali.

Luka 2:5

Akendeki kuna mpo na kokomisa kombo na ye mpe kombo ya Mari, mobandami na ye ya libala, oyo azalaki na zemi.

Luka 2:7

Mari abotaki mwana mobali, mwana na ye ya liboso ; alingaki ye na bilamba mpe alalisaki ye kati na elielo ya bibwele, pamba te esika ezalaki te mpo na bango kati na ndako ya bapaya.