Luka 2:47 - Mokanda na Bomoi

⁴⁷ Bato nyonso oyo bazalaki koyoka Ye bazalaki kokamwa mingi mayele na Ye mpe biyano na Ye.

Luka 2:47 ပူးပေါင်းရင်းမြစ်များ

Banzembo 119:99

Naleki balakisi na ngai nyonso na mayele, pamba te nakanisaka malako na Yo.

Matayo 13:54

mpe azongaki kati na engumba na Ye ; akomaki koteya bato kati na ndako na bango ya mayangani, mpe bango bazalaki kokamwa makasi mpe komituna : « Bwanya mpe nguya ya kosala bikamwa oyo azwi yango wapi ?

Matayo 22:33

Tango ebele ya bato bayokaki bongo, bakamwaki mingi mateya ya Yesu.

Matayo 7:28

Tango Yesu asilisaki koloba maloba oyo, bato nyonso bakamwaki makasi malakisi na Ye,

Malako 1:22

Bato bakamwaki makasi malakisi na Ye, pamba te ateyaki na bokonzi oyo balakisi ya Mobeko bazangaki.

Malako 11:18

Bakonzi ya Banganga-Nzambe mpe balakisi ya Mobeko bayokaki makambo yango mpe bakomaki koluka nzela ya koboma Ye ; bazalaki kobanga Ye, pamba te ebele ya bato bazalaki kokamwa malakisi na Ye.

Malako 6:2

Wana mokolo ya Saba ekokaki, Yesu akomaki koteya kati na ndako ya mayangani. Kati na bato oyo bayokaki Ye, ebele bakamwaki makasi. Batunaki : « Boni, moto oyo azwi makambo oyo wapi ? Nani apesi ye bwanya ya boye ? Azwi wapi nguya ya kosala bikamwa oyo nyonso ?

Luka 2:18

Bato nyonso oyo bayokaki bango bakamwaki mingi makambo oyo babateli bibwele balobaki.

Luka 2:46

Sima na mikolo misato, bamonaki Ye kati na lopango ya Tempelo avandi na kati-kati ya balakisi ya Mobeko, azali koyoka bango mpe kopesa bango mituna.

Luka 4:22

Bato nyonso balobaki makambo ya malamu na tina na Ye mpe bakamwaki mingi maloba ya ngolu oyo ezalaki kobima na monoko na Ye ; bakomaki komituna : — Boni, Ye azali mwana ya Jozefi te ?

Luka 4:32

Bakamwaki makasi malakisi na Ye, pamba te maloba na Ye ezalaki na bokonzi.

Yoane 7:15

Bayuda bakamwaki mpe bazalaki kotunana : — Ndenge nini moto oyo ayekola te akoki koyeba Makomi boye ?

Yoane 7:46

Bakengeli bazongisaki : — Ezali na moto ata moko te oyo asila koloba makambo oyo moto wana azali koloba.