Levitike 20:22 - Mokanda na Bomoi

²² Bobatela mpe botosa bikateli mpe mibeko na Ngai nyonso ; bosalela yango mpo ete mokili epai wapi nakomema bino mpo na kovanda esanza bino te.

Levitike 20:22 ပူးပေါင်းရင်းမြစ်များ

Banzembo 105:45

mpo ete babatela mitindo na Ye mpe batosa mibeko na Ye. Bokumisa Yawe !

Banzembo 119:106

Nalapaki ndayi oyo mpe nakokokisa yango : « Nakotosaka mibeko ya bosembo na Yo. »

Banzembo 119:145

Nazali kobelela Yo na motema na ngai mobimba : « Yawe, yanola ngai ; nakotosa mitindo na Yo !

Banzembo 119:160

Moboko ya liloba na Yo ezali bosolo, mpe mibeko nyonso ya bosembo na Yo ezali mpo na libela.

Banzembo 119:164

Nakumisaka Yo mbala sambo na mokolo mpo na mibeko ya bosembo na Yo.

Banzembo 119:171

Tika ete bibebu na ngai ekumisa Yo, pamba te olakisaka ngai mitindo na Yo !

Banzembo 119:175

Tika ete nazala na bomoi mpo na kokumisa Yo, mpe tika ete mibeko na Yo esunga ngai !

Banzembo 119:20

Molimo na ngai ezalaka tango nyonso na posa makasi ya koyeba mibeko na Yo.

Banzembo 119:80

Tika ete motema na ngai ezanga pamela mpo na kotosa mitindo na Yo, mpo ete nakufa soni te.

Kobima 21:1

Yawe alobaki na Moyize : — Tala mibeko oyo okoyebisa bana ya Isalaele :

Ezekieli 36:27

Nakotia Molimo na Ngai kati na bino mpe nakosala ete botosa bikateli na Ngai mpe bobatela mibeko na Ngai na bokebi.

Levitike 19:37

Bokobatela bikateli mpe mibeko na Ngai nyonso mpe bokosalela yango. Nazali Yawe. › »

Levitike 26:33

Nakopanza bino kati na bikolo ya bapaya mpe nakobengana bino na mopanga ; mokili na bino ekozanga bato mpe bingumba na bino ekokawuka.

Deteronomi 4:45

Tala malako, bikateli mpe mibeko oyo Moyize apesaki na bana ya Isalaele tango babimaki na Ejipito ;

Deteronomi 5:1

Moyize abengisaki Isalaele mobimba mpe alobaki : « Oh Isalaele, yoka malamu bikateli mpe mibeko oyo nakoyebisa yo lelo. Yekola yango, batela yango mpe salela yango.