Levitike 19:32 - Mokanda na Bomoi

³² Bokotelema liboso ya bato oyo banuni, bokolakisa botosi na bino epai ya mibange ; na nzela wana, bokokumisa Nzambe na bino. Nazali Yawe.

Levitike 19:32 ပူးပေါင်းရင်းမြစ်များ

Ebandeli 31:35

Rasheli alobaki na tata na ye : — Tika ete nkolo na ngai asilika te soki nakoki kotelema te na miso na yo, pamba te nazali na mikolo ya sanza oyo ekomelaka basi nyonso. Labani alukaki, kasi amonaki banzambe yango te.

Ebandeli 48:12

Jozefi alongolaki bana na ye na mabolongo ya Isalaele mpe agumbamaki elongi na ye kino na se.

1 Bakonzi 2:19

Tango Batisheba akendeki epai ya mokonzi Salomo mpo na kolobela Adoniya, mokonzi atelemaki mpo na kokutana na Batisheba, agumbamaki liboso na ye mpe avandaki na kiti na ye ya bokonzi. Asengaki ete batia kiti mpo na mama ya mokonzi, mpe Batisheba avandaki na ngambo ya loboko ya mobali ya mokonzi.

2 Bakonzi 17:36

kaka Yawe oyo abimisaki bino wuta na Ejipito, na nguya mpe na loboko esembolama, nde bosengeli kogumbamela. Liboso na Ye kaka nde bosengeli kogumbama mpe kobonza bambeka.

Yobo 32:4

Eliwu awelaki te koloba moto ya liboso epai ya Yobo, pamba te baninga wana misato ya Yobo bazalaki mikolo na ye na mibu ya mbotama.

Yobo 32:6

Boye Eliwu, mwana mobali ya Barakeyeli, moto ya libota ya Buzi, alobaki : « Nazali leki na mibu ya mbotama, mpe bino bozali mikolo ; yango wana nazalaki kobanga mpe nazangaki makasi ya koloba na bino makambo oyo ngai nayebi.

Masese 16:31

Suki ya pembe ezali motole ya nkembo ; bazwaka yango na nzela ya bosembo.

Masese 20:29

Makasi ezali biju ya bilenge, mpe suki ya pembe ezali lokumu ya mibange.

Masese 23:22

Yokela tata oyo aboti yo, mpe kotiola mama na yo te ata soki anuni.

Ezayi 3:5

Bato bakokoma konyokolana bango na bango : moko akonyokola mosusu, mpe moninga akonyokola moninga na ye mosusu ; bilenge bakotosa mikolo te, bato pamba bakotelemela bato ya lokumu ;

Bileli 5:12

Badiembiki bakalaka, na maboko na bango ; mpe bapesi bakambi lokumu te.

Levitike 19:14

Okolakela mabe te moto oyo akufa matoyi mpe okotia libaku te liboso ya mokufi miso, kasi okotosa Nzambe na yo. Nazali Yawe.

Barome 13:7

Bopesa oyo ekoki na mokonzi nyonso : mpako epai na ye oyo bosengeli kofuta yango, motuya ya biloko epai na ye oyo bosengeli kofuta yango, botosi epai na ye oyo asengeli kotosama, mpe lokumu epai na ye oyo asengeli kozwa yango.

1 Timote 5:1

Kogangela mobange te, kasi lendisa ye lokola nde azali tata na yo. Lendisa bilenge mibali lokola bandeko,

1 Petelo 2:17

Bomemiaka bato nyonso, bolingaka bandeko na bino kati na kondima, botosaka Nzambe, mpe bopesaka mokonzi lokumu.