Kobima 27:7 - Mokanda na Bomoi

⁷ Boye, mpo na komema etumbelo, bakokotisa mabaya yango na bapete oyo ezali na basonge mibale ya etumbelo.

Kobima 27:7 ပူးပေါင်းရင်းမြစ်များ

Kobima 25:28

Okosala na nzete ya akasia mabaya ya komemela mesa mpe okobamba yango wolo.

Kobima 27:6

Okosala na nzete ya akasia, mabaya mpo na etumbelo mpe okobamba yango bronze.

Kobima 30:4

Okosala mpo na etumbelo bapete ya wolo na se ya ebende ya wolo oyo ezingeli yango : mibale na ngambo moko, mpe mibale na ngambo mosusu ; mpo na kokotisa mabaya ya komemela etumbelo.

Mitango 4:15

Soki balingi kolongola molako mpo na kokende na esika mosusu, bana mibali ya Keati bakoya komema soki kaka Aron mpe bana na ye ya mibali basilisi kofinika Esika ya bule mpe bisalelo na yango nyonso ; kasi basengeli te kosimba Esika ya bule, noki te bakokufa. Yango wana nde misala ya bana mibali ya Keati kati na Ndako ya kapo ya Bokutani.