Kobima 16:14 - Mokanda na Bomoi

¹⁴ Tango mamwe elimwaki, biloko ya mike-mike penza lokola bambuma ya mike-mike emonanaki na mabele ya esobe, pembe lokola mvula ya pembe.

Kobima 16:14 ပူးပေါင်းရင်းမြစ်များ

Neyemi 9:15

Tango bazalaki na nzala, opesaki bango bilei wuta na likolo ; mpe tango bazalaki na posa ya mayi, obimiselaki bango mayi wuta na libanga. Olobaki na bango ete bakende kobotola mokili oyo, na nzela ya ndayi, olakaki kopesa bango.

Banzembo 105:40

Ndenge kaka basengaki, atindelaki bango bakayi mpe atondisaki bango na bilei ya likolo.

Banzembo 147:16

Anokisaka mvula ya pembe lokola bapwale ya meme mpe apanzaka mvula ya mabanga lokola putulu ;

Banzembo 78:24

anokiselaki bango mana lokola mvula mpo na kopesa bilei, apesaki bango ble ya Likolo.

Kobima 16:31

Bato ya Isalaele babengaki lipa yango mana. Ezalaki pembe lokola bambuma ya koriande mpe elengi lokola mikate balamba na mafuta ya nzoyi.

Deteronomi 8:3

Abukaki lolendo na yo, abomaki yo nzala mpe aleisaki yo mana oyo yo mpe batata na yo botikalaki koyeba te, mpo na koteya yo ete moto abikaka kaka na lipa te, kasi mpe na maloba nyonso oyo ebimaka na monoko ya Yawe.