Kobima 15:7 - Mokanda na Bomoi

⁷ Na monene ya nguya na Yo, obebisi batelemeli na Yo ; na kanda na Yo, otombokeli bango, mpe baziki lokola matiti.

Kobima 15:7 ပူးပေါင်းရင်းမြစ်များ

Yobo 9:4

Bwanya ya Nzambe ezali na bozindo makasi, mpe nguya na Ye ezali monene ; nani asila kotelemela Ye, bongo amona bolamu ?

Banzembo 148:13

Tika ete bakumisa Kombo ya Yawe ! Pamba te Ye moko kaka nde aleki likolo ; nkembo na Ye eleki mabele mpe likolo.

Banzembo 59:13

Mpo na masumu ya minoko na bango, mpo na maloba ya bibebu na bango, tika ete bakangama na motambo ya lolendo na bango. Mpo na bilakeli mabe mpe lokuta na bango,

Banzembo 68:33

Bino, babokonzi ya mabele, boyembela Nzambe ; boyemba banzembo mpo na lokumu ya Nkolo !

Banzembo 83:13

oyo bazalaki koloba : « Tobotola mabele ya Nzambe ! »

Kobima 14:27

Moyize asembolaki loboko na ye likolo ya ebale monene, mpe liboso ete tongo etana, ebale monene ezongaki na esika na yango mpe bato ya Ejipito oyo balukaki kokima, bakutanaki na mayi liboso na bango. Boye Yawe azindisaki bango kati na ebale monene.

Kobima 5:12

Boye bana ya Isalaele bapanzanaki na Ejipito mobimba mpo na kolokota matiti ya kotumba na yango babiliki.

Kobima 9:16

Kasi natikaki yo na bomoi mpo na tina oyo : kotalisa yo nguya na Ngai mpe kosala ete lokumu ya Kombo na Ngai epanzana na mokili mobimba.

Ezayi 37:17

Oh Yawe, pesa litoyi mpe yoka ; Yawe, fungola miso mpe mona ! Yoka maloba nyonso oyo Senakeribe atindi mpo na kosambwisa Nzambe na bomoi.

Ezayi 37:23

Nani oyo ofingaki mpe otiolaki ? Nani oyo omatiselaki mongongo mpe otalaki na miso ya lolendo ? Mosantu ya Isalaele !

Ezayi 37:29

Lokola otombokelaka Ngai, mpe lofundu na yo ekomi kino na matoyi na Ngai, nakotia lopete na Ngai na zolo na yo, nakokanga yo singa na bibebu ndenge bakangaka mpunda monoko, mpe nakozongisa yo na nzela oyo oyelaki.

Ezayi 37:36

Boye, anjelu na Yawe abimaki mpe abomaki bato nkoto nkama moko na tuku mwambe na mitano kati na molako ya bato ya Asiri. Tango bato balamukaki na tongo ya mokolo oyo elandaki, bakutaki kaka bibembe.

Ezayi 37:38

Mokolo moko, wana azalaki kogumbamela nzambe na ye, Nisiroki, kati na tempelo ya nzambe yango, bana na ye ya mibali, Adrameleki mpe Saretseri babomaki ye na mopanga mpe bakimaki na Ararati. Bongo, mwana na ye ya mobali, Esari-Adoni, akitanaki na ye na bokonzi.

Ezayi 47:14

Tala, bakozala solo lokola matiti ya kokawuka, matiti oyo moto ekotumba ; bakokoka kobikisa ata milimo na bango moko te na nguya ya moto : Ekozala lisusu te lokola makala ya moto mpo na koyetola to moto mpo na kovanda zingazinga na yango.

Ezayi 5:16

Kasi Yawe, Mokonzi ya mampinga, akonetolama na nzela ya bosembo na Ye, mpe Nzambe Mosantu akolakisa bosantu na Ye na nzela ya boyengebene na Ye.

Ezayi 5:24

Yango wana, ndenge ndemo ya moto ezikisaka matiti, mpe ndenge matiti ya kokawuka esilaka na moto, ndenge wana mpe misisa na bango ekopola mpe bafololo na bango ekopumbwa lokola putulu, pamba te babwakaki Mobeko na Yawe, Mokonzi ya mampinga, mpe batiolaki liloba ya Mosantu ya Isalaele.

Jeremi 10:6

Eh Yawe, moko te akokani na Yo ! Ozali monene, mpe Kombo na Yo ezali na nguya monene.

Mishe 4:11

Kasi sik’oyo, bikolo ebele esangani mpo na kotelemela yo ; bazali koloba : « Tika ete bosantu ya Siona esambwa mpe miso esepela komona kobebisama na yango ! »

Zakari 14:3

Bongo Yawe akobima mpe akobundisa bikolo wana, ndenge asalaka na tango ya bitumba.

Zakari 14:8

Na mokolo wana, mayi oyo etiolaka ekobimela na Yelusalemi. Ndambo moko ekokende na ebale monene ya este mpe ndambo mosusu, na ebale monene ya weste, na eleko ya malili mpe ya molunge.

Zakari 2:8

mpe alobaki na ye : — Kima mbangu penza, mpe kende koloba na elenge mobali wana : « Yelusalemi ekotikala lisusu na bamir te mpo ete motango ya bato mpe ya banyama oyo bazali kati na yango ekokoma ebele koleka.

Matayo 3:12

Asimbi kiyungulu na loboko na Ye, akopetola etando na Ye mpo na koyamba ble kati na ebombelo na Ye ; kasi akotumba kati na moto oyo ekufaka te, matiti oyo ekotikala. »

Misala ya Bantoma 9:4

Akweyaki na mabele mpe ayokaki mongongo moko koloba na ye : — Saulo, Saulo, mpo na nini ozali konyokola Ngai ?

Deteronomi 33:26

Moko te akokani na Nzambe ya Yeshuruni, Nzambe oyo atambolaka na likolo lokola mpunda mpo na kosunga yo, mpe na mapata, kati na nkembo na Ye.

Deteronomi 4:24

Pamba te Yawe, Nzambe na bino, azali moto oyo ezikisaka, azali Nzambe na zuwa.

Ba-Ebre 12:29

Pamba te Nzambe na biso azali moto oyo ezikisaka.