Kobima 10:12 - Mokanda na Bomoi

¹² Yawe alobaki na Moyize : — Sembola loboko na yo na mokili ya Ejipito mpo ete obimisa mabanki kati na mokili yango mpe mabanki yango elia matiti nyonso ya bilanga, biloko nyonso oyo mvula ya mabanga ebebisaki te.

Kobima 10:12 ပူးပေါင်းရင်းမြစ်များ

Banzembo 105:34

Na mitindo na Ye, mabanki mpe makelele oyo bakokaki kotanga te esopanaki,

Kobima 10:15

Ezipaki mabele nyonso mpe mabele eyindaki. Eliaki nyonso oyo mvula ya mabanga ebebisaki te : matiti nyonso ya bilanga mpe bambuma nyonso ya banzete. Kati na mokili mobimba ya Ejipito, eloko moko te ya mobesu etikalaki na banzete to na matiti ya bilanga.

Kobima 7:19

Yawe alobaki na Moyize : « Yebisa Aron : ‹ Kamata lingenda na yo mpe sembola yango na ngambo ya mayi nyonso ya Ejipito : etima mpe miluka, maziba mpe mabulu nyonso ya mayi ekobongwana makila. › Makila ekozala na bisika nyonso ya Ejipito kino na bimelelo ya mayi oyo esalema na nzete to na mabanga. »

Kobima 9:32

Ble mpe epotele ebebaki te, pamba te tango na yango ya kobota ekokaki nanu te.

Emoniseli 9:3

Wuta na milinga yango, mankoko ebimaki, epanzanaki na mokili mpe epesamelaki bokonzi lokola oyo ya bakoto.