Jozue 5:4 - Mokanda na Bomoi

⁴ Tala mpo na nini Jozue asengelaki kokata bango ngenga : Mibali nyonso oyo babimaki na Ejipito mpe bakokisaki mibu ya kobunda bitumba bakufaki na nzela, kati na esobe, sima na bango kobima na Ejipito.

Jozue 5:4 ပူးပေါင်းရင်းမြစ်များ

Mitango 14:22

moko te kati na bato oyo bamonaki nkembo na Ngai mpe bikamwa oyo nasalaki kati na Ejipito mpe na esobe kasi baboyaki kotosa Ngai mpe bamekaki Ngai mbala zomi,

1 Bakolinto 10:5

Nzokande, Nzambe asepelaki te na mingi kati na bango ; solo, babomaki bango kati na esobe.

Deteronomi 2:14

Mibu tuku misato na mwambe elekaki wuta tango tolongwaki na Kadeshi-Barinea kino tokatisaki lubwaku ya Zeredi. Banda wana, molongo nyonso ya bato oyo babundaki bitumba bakufaki kati na molako ndenge Yawe alapaki ndayi mpo na bango.

Deteronomi 2:16

Tango bato ya suka kati na bato oyo bazalaki kobunda bitumba basilaki kokufa,

Jozue 5:3

Jozue asalaki bambeli ya mabanga mpe akataki bana mibali ya Isalaele ngenga, pene ya ngomba moke ya Araloti.

Jozue 5:5

Mibali nyonso oyo babimaki na Ejipito bakatamaki ngenga ; kasi bato nyonso oyo babotamaki na nzela, kati na esobe, bakatamaki ngenga te.