Jozue 18:11 - Mokanda na Bomoi

¹¹ Zeke ekweyaki epai ya libota ya bakitani ya Benjame kolanda bituka na bango. Eteni ya mabele oyo epesamelaki bango na zeke ezalaki na kati-kati ya mabele ya bakitani ya Yuda mpe ya Jozefi.

Jozue 18:11 ပူးပေါင်းရင်းမြစ်များ

Ebandeli 35:24

Bana mibali ya Rasheli : Jozefi mpe Benjame.

2 Samuele 2:9

Akomisaki ye mokonzi ya Galadi, ya bato ya Ashuri mpe ya Jizireyeli, ya Efrayimi, ya Benjame mpe ya Isalaele mobimba.

Ezekieli 48:23

Mpo na mabota mosusu : Libota ya Benjame ekozwa eteni moko ya mabele : ekobanda longwa na ngambo ya este kino na ngambo ya weste ;

Deteronomi 13:12

Boye, Isalaele nyonso ekoyoka mpe ekobanga, bongo moto moko te kati na bino akosala lisusu makambo mabe ya lolenge oyo.

Jozue 18:10

Jozue abetaki zeke mpo na bango liboso ya Yawe, na Silo, mpe kuna akabolaki mokili kati na bana ya Isalaele kolanda mabota na bango.

Jozue 18:12

Na ngambo ya nor, mondelo na bango ezalaki longwa na Yordani, emataki na mopanzi ya Jeriko, ekatisaki mokili ya bangomba, na ngambo ya weste, mpe esukaki na esobe, na Beti-Aveni.