Joeli 2:6 - Mokanda na Bomoi

⁶ Soki bamoni bango, bato ya bikolo bakomaka na somo mpe bilongi nyonso ekawukaka.

Joeli 2:6 ပူးပေါင်းရင်းမြစ်များ

Banzembo 119:83

Nakomi lokola mbeki oyo ezali kokawuka na milinga, nzokande nabosanaka mitindo na Yo te.

Ezayi 13:8

Somo makasi ekokweyela bango, pasi mpe kobanga ekotika bango te ; bakobunda-bunda lokola mwasi oyo azali na pasi ya kobota. Bango na bango bakotalana na kokamwa mpe bilongi na bango ekokoma lokola moto.

Jeremi 30:6

Botuna mpe botala : Boni, mobali akoki kobota bana ? Bongo mpo na nini nazali komona moto nyonso ya makasi asimbi libumu na ye lokola mwasi oyo azali na pasi ya kobota mpe elongi na ye ekomi mawa-mawa ?

Jeremi 8:21

Ndenge bato na ngai bazali koyoka pasi, ndenge wana mpe ngai nazali koyoka pasi, nazali kolela, mpe somo ekangi ngai makasi.

Bileli 4:8

Bilongi na bango ekomi mwindo koleka makala, bazali koyeba bango lisusu te na babalabala ; poso na bango ya nzoto ekangami na mikuwa, ekawuki lokola koni.

Naumi 2:10

Bobotola wolo mpe palata na yango na makasi, pamba te bomengo na yango ezali penza mingi koleka mpe etonda na biloko ya motuya.

Naumi 2:11

Bakoteli yango, bapanzi yango, babotoli na makasi biloko na yango ya talo ! Mitema ebukani, mabolongo ekomi kolenga, mpe banzoto etondi na somo.