Jeremi 8:15 - Mokanda na Bomoi

¹⁵ Tozalaki na elikya ete tokozala na kimia, kasi tomoni likambo moko te ya malamu ; tozalaki na elikya ete tokobika, kasi pasi na pasi nde ezali kolanda biso !

Jeremi 8:15 ပူးပေါင်းရင်းမြစ်များ

Yobo 30:26

Nazelaki esengo, kasi pasi nde ekomeli ngai ; nazelaki pole, kasi molili nde ekomeli ngai.

Jeremi 12:12

Babebisi bakobimela na likolo ya bangomba nyonso ya esobe, pamba te mopanga ya Yawe ekoboma mokili mobimba ; moto moko te akozala na kimia.

Jeremi 14:19

Boni, obwaki solo Yuda ? Oyini penza Siona ? Mpo na nini otindeli biso pasi makasi oyo ezangeli nzela ya kobika ? Tokanisaki ete tokozwa kimia ; nzokande, eloko moko ya malonga esalemi te ! Tokanisaki ete tokozala na nzoto kolongono ; nzokande, tozali kaka komona pasi na pasi !

Jeremi 4:10

Bongo nalobaki : « Oh Nkolo Yawe, tala ndenge okosaki bato oyo mpe Yelusalemi tango olobaki : ‹ Bokozala na kimia ! › Nzokande mopanga ezalaki kozela biso. »

Jeremi 6:25

Bokende na bilanga te mpe bobima na nzela te, pamba te monguna asimbi mopanga, bongo somo makasi ezali bisika nyonso.

Jeremi 8:11

bazali kosalisa bapota ya bato na Ngai likolo-likolo mpe bazali koloba : ‘ Makambo nyonso ezali malamu, nyonso ezali kotambola malamu ! ’ Nzokande, ata likambo moko ya malamu ezali te.

Ezekieli 7:25

Tango makambo oyo ya somo ekoya, bakoluka kimia kasi bakozwa yango te.

Mishe 1:12

Bato ya etuka ya Meroti bazali kolenga na somo mpo na bolamu na bango, pamba te Yawe atindi pasi ya makasi kino na ekuke ya Yelusalemi.

1 Batesalonika 5:3

Tango bato bakokoma koloba : « Tozali sik’oyo na kimia, mpe tozali lisusu na mitungisi te, » ekozala na tango wana nde libebi ekokweyela bango na mbalakata, lokola pasi ya mwasi oyo azali kobota, mpe bakokoka kokima te.