Jeremi 51:41 - Mokanda na Bomoi

⁴¹ Ndenge nini bakangi Sheshaki ! Ndenge nini basukisi lolendo ya ekolo oyo ezalaki kosala lokumu ya mokili mobimba ! Ndenge nini penza Babiloni ekomi penza eloko ya somo kati na bikolo !

Jeremi 51:41 ပူးပေါင်းရင်းမြစ်များ

2 Masolo ya Kala 7:21

Atako Tempelo oyo ezali sik’oyo kitoko penza, kasi bato nyonso oyo bakoleka pembeni na yango bakokamwa mpe bakoloba : « Mpo na nini Yawe asali makambo ya boye na mokili oyo mpe na Tempelo oyo ? »

Ezayi 13:19

Nzambe akokweyisa Babiloni, kongenga ya babokonzi, nkembo ya lolendo ya bato ya Chalide, ndenge akweyisaki Sodome mpe Gomore.

Ezayi 14:4

okoyemba nzembo oyo mpo na kotiola mokonzi ya Babiloni ; okoloba : « Ndenge nini monyokoli akomi na suka ? Ndenge nini penza lolendo na ye esili ?

Jeremi 25:26

bakonzi nyonso ya nor, oyo bazalaka pene mpe ba-oyo bazalaka mosika, moko pene na mosusu, bakonzi ya mboka nyonso oyo ezalaka na mokili. Sima na bango nyonso, mokonzi ya Sheshaki mpe akomela yango.

Jeremi 49:25

Ndenge nini bosundola engumba ya lokumu boye, engumba oyo ezalaki kosepelisa motema na Ngai ?

Jeremi 50:23

Ndenge nini marto oyo ezalaki kobeta mokili mobimba ebukani mpe epanzani ? Ndenge nini penza Babiloni ebebisami kati na bikolo ?

Jeremi 50:46

Na lokito ya kokweya ya mokili ya Babiloni, mabele ekoningana ; makelele na yango ekoyokana kino na bikolo mosusu.

Jeremi 51:37

Mokili ya Babiloni ekokoma liboke ya mabanga, ndako ya mbwa ya zamba, eloko ya somo mpe ya kotiola ; bongo, bato bakovanda lisusu kuna te.

Ezekieli 27:35

Bavandi nyonso ya bisanga bakomi na mawa mpo na yo ; bakonzi na bango bazali kolenga na somo, mpe bilongi na bango ebebi likolo ya kobanga.

Daniele 2:38

atiaki na se ya bokonzi na yo bato nyonso ya mokili, banyama ya zamba mpe bandeke ya likolo ; atiaki yo mokonzi na bango nyonso, na bisika nyonso oyo bavandaka ! Ezali yo nde ozali moto wana ya wolo.

Daniele 4:22

« Bakobengana yo na molongo ya bato mpe okokende kovanda esika moko na banyama ya zamba ; okobanda kolia matiti ya zamba lokola ngombe, mpe mamwe ekopolisa nzoto na yo. Mibu sambo ekoleka mpo na yo kino tango okondima ete Ye-Oyo-Aleki-Likolo azali na bokonzi ya kosala makambo oyo Ye alingi kati na bikolo ya bato mpo na kopesa yango na moto oyo Ye alingi.

Daniele 4:30

Mbala moko, makambo nyonso oyo elobamaki na tina na Nabukodonozori ekokisamaki. Babenganaki ye na molongo ya bato mpe akomaki kolia matiti lokola ngombe ; mamwe ekomaki kopolisa nzoto na ye kino suki na ye ekomaki milayi lokola masala ya mpongo ya mobange, mpe manzaka na ye lokola manzaka ya ndeke.

Deteronomi 28:37

Bikolo nyonso epai wapi Yawe akomema bino, bakomona bakokima bino lokola eloko ya somo mpe bakobeta masapo mpo na kotiola bino.