Jeremi 50:9 - Mokanda na Bomoi

⁹ Pamba te nakotelemisa mpe nakoyeisa lisanga ya bikolo ya nguya oyo ekowuta na mokili ya nor mpo na kobundisa Babiloni mpe kobotola yango wuta na nor ; makonga na bango ekozala lokola makonga ya basoda ya mpiko, oyo bazangaka koboma te.

Jeremi 50:9 ပူးပေါင်းရင်းမြစ်များ

2 Samuele 1:22

Tolotolo ya Jonatan ezalaki kozonga sima te soki esopi makila ya banguna te, mpe soki etoboli mafuta ya bilombe te ; mpe mopanga ya Saulo ezalaki kozonga te soki ekokisi mosala na yango te.

Loyembo ya Salomo 3:8

Bango nyonso balati mipanga ; bango nyonso bazali makasi na bitumba, baselingwa mpo na bitumba ya butu.

Ezayi 21:2

Namonaki emoniseli moko ya somo : Moteki baninga azali koteka baninga, mobebisi azali kobebisa. Elami, bundisa bango ! Medi, zingela bango ! Nakosukisa kolela nyonso oyo ayeisaki na bato.

Ezayi 41:25

Nabimisaki moto moko wuta na ngambo ya nor, mpe azali koya, moto moko, wuta na ngambo ya este, oyo abelelaka Kombo na Ngai. Azali konyata bakambi ndenge banyataka potopoto, lokola potopoto ya mabele ya bikeko ya mosali mbeki.

Jeremi 15:14

Nakokomisa bino bawumbu ya banguna na bino kati na mokili oyo botikala ata koyeba te, pamba te kanda na Ngai ekopela lokola moto oyo ekotumba bino. »

Jeremi 25:14

Bango, bato ya Babiloni, bakokoma mpe bawumbu ya bikolo ebele mpe ya bakonzi ya nguya ; nakosalela bango kolanda etamboli mpe misala ya maboko na bango. »

Jeremi 25:26

bakonzi nyonso ya nor, oyo bazalaka pene mpe ba-oyo bazalaka mosika, moko pene na mosusu, bakonzi ya mboka nyonso oyo ezalaka na mokili. Sima na bango nyonso, mokonzi ya Sheshaki mpe akomela yango.

Jeremi 50:14

Bino bato nyonso oyo bobundaka na matolotolo, bomitanda na molongo zingazinga ya Babiloni mpe bobeta yango makonga ! Botika ata likonga moko te, pamba te Babiloni asali masumu liboso ya Yawe.

Jeremi 50:21

Bobundisa mokili ya Meratayimi mpe bavandi ya Pekodi ; bolanda bango, boboma mpe bobebisa bango nye, › elobi Yawe. ‹ Bosala makambo nyonso oyo natindi bino.

Jeremi 50:26

Bobimela wuta na bisika nyonso mpo na kobundisa ye, bobuka bibombelo na ye, bokangisa bomengo ya bitumba ndenge bakangisaka maboke ya ble, bobebisa yango nyonso mpe botika ata eloko moko te.

Jeremi 50:29

Bosangisa bato nyonso oyo babundaka na matolotolo mpo na kotelemela Babiloni ; tika ete bato nyonso oyo babundaka na makonga bazingela Babiloni mobimba, basala ete ata moto moko te akima, bafuta yango ndenge ezalaki misala na yango mpe bazongisela yango makambo oyo esalaki bikolo mosusu ; pamba te ebetaki tembe na Yawe, Mosantu ya Isalaele.

Jeremi 50:3

Ekolo moko ekowuta na nor mpe ekobundisa Babiloni, ekobebisa yango, bongo moto moko te akovanda lisusu kuna ; ezala bato to banyama, nyonso ekokima.

Jeremi 51:11

Bopelisa basonge ya makonga, bokamata banguba na bino ; pamba te Yawe atindi bakonzi ya Medi mpo ete mokano na Ye ezali ya kobebisa Babiloni. Yawe akozongisa mabe na mabe, akosala yango mpo na Tempelo na Ye.