Jeremi 50:8 - Mokanda na Bomoi

⁸ Bobima mbangu na Babiloni, botika mokili ya Babiloni ! Bozala lokola bantaba ya mibali oyo ezali kotambola liboso ya etonga.

Jeremi 50:8 ပူးပေါင်းရင်းမြစ်များ

Masese 30:31

soso ya mobali, ntaba mobali, mpe mokonzi oyo azali kotambola liboso ya mampinga na ye.

Ezayi 48:20

Bobima na Babiloni, bokima wuta na bato ya Babiloni ! Boloba yango na makelele ya esengo mpe botatola yango ; bopanza sango na yango kino na suka ya mokili ; boloba : ‹ Yawe asikoli Jakobi, mosali na Ye. › »

Ezayi 52:1

Oh Siona, lamuka, lamuka ! Tika ete omikomisa lisusu makasi. Yelusalemi, engumba ya bule, lata bilamba na yo ya lokumu, pamba te ezala moto oyo bakata ngenga te to moto ya mbindo, akokota lisusu kati na yo te.

Ezayi 52:11

Bokende, bokende, bobima awa ! Bosimba eloko moko te ya mbindo ! Bobima kati na yango mpe bozala peto, bino oyo bomemi bisalelo ya Tempelo ya Yawe !

Jeremi 51:45

Oh bato na Ngai, bobima na Babiloni ! Bobikisa bomoi na bino liboso ya kanda makasi ya Yawe !

Jeremi 51:6

Bobima na Babiloni, bobikisa bomoi na bino ! Soki te, bokokufa likolo ya masumu na bango. Ezali tango oyo Yawe alingi kozongisela bango mabe na mabe mpe kofuta bango ndenge ezali misala na bango.

Zakari 2:11

Siona, tokende ! Bima noki, yo oyo ovandaka na Babiloni, mboka kitoko !

Mitango 16:26

Akebisaki lisanga mobimba : « Bozala mosika ya bandako ya kapo ya bato oyo ya mabe. Bosimba ata eloko moko te ya bango, noki te bokokufa likolo ya masumu na bango ! »

2 Bakolinto 6:17

Yango wana, « Bobima kati na bango mpe bokabwana na bango, elobi Nkolo ; bosimba eloko moko te ya mbindo, mpe ngai nakoyamba bino. »

Emoniseli 18:4

Bongo nayokaki mongongo mosusu koloba wuta na likolo : « Bino bato na ngai, bobima longwa na Babiloni mpo ete bosangana te na masumu na yango, mpe mpo ete bozwa te bitumbu oyo ekokweyela yango.