Jeremi 46:22 - Mokanda na Bomoi

²² Ejipito ezali kokima, na makelele lokola nyoka, pamba te banguna na yango bazali kopusana na nguya ; bazali koya kobundisa yango na bipasola lokola bato oyo bakataka banzete.

Jeremi 46:22 ပူးပေါင်းရင်းမြစ်များ

Banzembo 74:5

Bazali lokola bato oyo basimbi bipasola mpe bazali kokata banzete kati na zamba.

Ezayi 10:15

Boni, epasola ekoki solo komimatisa liboso ya moto oyo asalelaka yango ; si ya mabaya ekoki solo komikumisa liboso ya moto oyo asalelaka yango ? Bosila komona fimbu koningisa moto oyo asalelaka yango to etape ya nzete kotombola nzete na yango ?

Ezayi 14:8

Banzete ya sipele ezali kosepela mpo na kokweya na yo, mpe banzete ya sedele ya Libani ezali koloba : ‹ Wuta tango okweyaki na se, moto moko te akweyisaka lisusu biso. ›

Ezayi 29:4

Okokitisama solo na se, okoloba wuta na mabele, mpe maloba na yo ekobanda kobima na mongongo ya se wuta na putulu. Mongongo na yo ekokoma kobima wuta na se ya mabele lokola mongongo ya moto oyo asololaka na milimo ya bakufi ; mpe wuta na putulu, maloba na yo ekobima na mongongo ya se.

Ezayi 37:24

Na nzela ya bantoma na yo, ofingaki Nkolo mpe olobaki : ‹ Na lisungi ya ebele ya bashar na ngai, namataki kino na basonge ya bangomba, kino na basonge oyo eleki likolo kati na Libani ; nakweyisaki banzete na yango ya sedele oyo eleki milayi, banzete na yango ya sipele oyo eleki kitoko, mpe nakomaki kino na songe na yango ya suka, na zamba na yango oyo eleki kitoko ;

Jeremi 46:21

Basoda ya bapaya bazali kati na milongo na ye, bazali lokola bana ngombe ya mibali mpe ya mafuta kati na etonga. Bango mpe bakobaluka mpe bakokima nzela moko ; bakokoka kolonga te, pamba te mokolo ya pasi ezali koya kokweyela bango : ezali tango ya etumbu mpo na bango.

Jeremi 46:23

Bakokata banzete nyonso ya zamba na yango, » elobi Yawe, « ata soki ezali na banzete ebele. Bazali ebele koleka mabanki, bakokoka kotanga motango na bango te.

Mishe 1:8

Yango wana, nakolela mpe nakosala matanga, nakotambola makolo ngulu mpe bolumbu, nakoganga lokola mbwa ya zamba mpe nakolela lokola maligbanga.

Mishe 7:16

Bato ya bikolo ya bapaya bakomona yango mpe bakoyoka soni ; ata soki bazali na nguya ya ndenge nini, bakozanga maloba, mpe matoyi na bango ekokangama.

Zakari 11:2

Nzete ya sipele, lela, pamba te nzete ya sedele esili kokweya ! Banzete milayi esili kokatama. Banzete ya sheni ya Bashani, bolela ; pamba te basili kokata zamba monene !

Jozue 9:21

Bakambi babakisaki lisusu : « Tika ete bazala na bomoi, kasi bakobanda kokata banzete mpe kotoka mayi mpo na lisanga mobimba. » Wana nde ezalaki mokano oyo bakambi bazwaki.