Jeremi 2:33 - Mokanda na Bomoi

³³ Oh, tala ndenge otondi na mayele ya koluka bolingo ! Na etamboli na yo, okoki ata kopesa mayele yango ezala na basi oyo baleki mabe !

Jeremi 2:33 ပူးပေါင်းရင်းမြစ်များ

2 Masolo ya Kala 33:9

Kasi Manase apengwisaki bato ya Yuda mpe ya Yelusalemi ; boye basalaki lisusu mabe koleka bikolo oyo Yawe abebisaki liboso ya bato ya Isalaele.

Jeremi 2:23

« Ndenge nini okoki penza koloba : ‹ Namikomisi na ngai mbindo te, nazali kolanda banzambe ya Bala te ? › Tala nanu ndenge ozalaki kotambola kati na lubwaku mpe kanisa malamu makambo oyo ozalaki kosala. Okomaki lokola shamo ya mwasi oyo eyengaka-yengaka bisika nyonso ;

Jeremi 2:32

Boni, elenge mwasi abosanaka penza biloko na ye ya monzele ? Boni, mobandami ya libala abosanaka solo mayaka na ye ? Nzokande, bato na Ngai babosani Ngai mikolo ebele.

Jeremi 2:34

Kino na bilamba na yo, bato bamonaka makila ya babola, ya bato oyo bayebi likambo te mpe okangi bango na mabe te.

Jeremi 2:36

Mpo na nini omipesi na koyengayenga na nzela nyonso ? Okosambwa mpo na Ejipito ndenge osambwaki mpo na Asiri.

Ezekieli 16:27

Natombokelaki yo, nabotolaki yo bilei oyo napesaki yo mpe nakabaki yo na maboko ya banguna na yo, bingumba ya bato ya Filisitia, oyo bazalaki mpe kosepela ata moke te na bizaleli na yo ya soni mpe ya mabe.

Ezekieli 16:47

Otambolaki kaka te na banzela na bango mpe olandaki kaka te bizaleli na bango ya mbindo, kasi okomaki mabe koleka bango, na etamboli na yo nyonso.

Oze 2:13

Nakosukisa bisengo na ye nyonso : bafeti na ye ya mobu na mobu mpe ya ebandeli ya sanza, mikolo na ye ya Saba mpe bafeti nyonso oyo ekatama.