Jeremi 1:11 - Mokanda na Bomoi

¹¹ Sima na yango, Yawe atunaki ngai : — Jeremi, ozali komona nini ? Nazongisaki : — Nazali komona etape ya nzete ya amande.

Jeremi 1:11 ပူးပေါင်းရင်းမြစ်များ

Ebandeli 30:37

Jakobi azwaki bitape ya mobesu ya nzete ya pepiliye, ya amande mpe ya platane.

Ezayi 55:11

ndenge wana mpe liloba oyo ebimaka na monoko na Ngai ezalaka : ezongaka pamba te epai na Ngai, soki esali nanu te mokano na Ngai, mpe soki ekokisi nanu te mabongisi oyo natindelaki yango.

Jeremi 24:3

Yawe atunaki ngai : — Jeremi, ozali komona nini ? Nazongisaki : — Nazali komona bambuma ya figi : bambuma oyo ya kitoko ezali elengi, kasi oyo ekawuka ezali mabe mpe moto moko te akoki kolia yango.

Ezekieli 12:25

Kasi Ngai Yawe, nakoloba maloba oyo nalingi koloba, mpe maloba yango ekokokisama na mwa tango moke ; pamba te kaka na tango oyo bozali na bomoi, bino libota ya batomboki, Ngai nakokokisa maloba nyonso oyo nakoloba, elobi Nkolo Yawe. › »

Ezekieli 12:28

Yango wana, loba na bango : ‹ Tala liloba oyo Nkolo Yawe alobi : Liloba na Ngai ata moko te ekowumela lisusu mpo na kokokisama. Maloba nyonso oyo nakoloba ekokokisama, elobi Nkolo Yawe. › »

Ezekieli 7:10

Tala, mokolo yango nde yango oyo ! Esili kobelema ! Kobebisama eboti mbuma, lingenda ebimisi bafololo, lolendo ekoli !

Amosi 7:8

Yawe atunaki ngai : — Amosi, ozali komona nini ? Nazongisaki : — Nazali komona nivo oyo batongi ndako basalelaka. Nkolo alobaki na ngai : — Tala, nakotia nivo oyo batongi ndako basalelaka na likolo ya Isalaele, bato na Ngai. Nakolimbisa bango lisusu te.

Amosi 8:2

Atunaki ngai : — Amosi, ozali komona nini ? Nazongisaki : — Nazali komona kitunga etonda na bambuma etela. Yawe alobaki na ngai : — Tango ekoki mpo na bato na Ngai, Isalaele ; pamba te nakolimbisa bango lisusu te.

Zakari 4:2

Atunaki ngai : — Ozali komona nini ? Nazongiselaki ye : — Nazali komona etelemiselo moko ya mwinda, basala na wolo mpe, na likolo na yango, ezali na kopo moko, minda sambo mpe batio sambo oyo elekisaka mafuta kino na minda.

Zakari 5:2

Anjelu oyo azalaki kosolola na ngai atunaki ngai : — Ozali komona nini ? Nazongisaki : — Nazali komona buku moko : ezali kopumbwa ; molayi na yango ezali na bametele pene zomi, mpe mokuse na yango, bametele pene mitano.

Mitango 17:8

Boye, Moyize mpe Aron bakendeki liboso ya Ndako ya kapo ya Bokutani