Ester 5:3 - Mokanda na Bomoi

³ Mokonzi atunaki ye : — Ester, mwasi ya mokonzi, likambo nini ? Bosenga na yo ezali nini ? Nazali pene ya kopesa yo ata kati-kati ya bokonzi na ngai !

Ester 5:3 ပူးပေါင်းရင်းမြစ်များ

1 Bakonzi 2:20

Batisheba alobaki : — Nazali na bosenga moko ya moke mpo na koyebisa yo, kasi kopimela ngai yango te. Mokonzi azongisaki : — Loba na yo, mama na ngai ; nakopimela yo yango te.

1 Bakonzi 3:5

Na Gabaoni, Yawe amimonisaki epai ya Salomo kati na ndoto ya butu. Nzambe alobaki na ye : — Senga Ngai nyonso oyo olingi ete napesa yo.

Neyemi 2:4

Mokonzi atunaki ngai : — Olingi nini ? Nasambelaki Nzambe ya Likolo,

Ester 5:4

Ester azongisaki : — Oh soki esepelisi mokonzi, tika ete mokonzi akoka koya lelo, elongo na Amani, na feti monene oyo nabongisi mpo na ye.

Ester 5:6

Tango bazalaki komela vino, mokonzi atunaki lisusu Ester : — Sik’oyo, posa na yo ezali nini ? Ekopesamela yo. Mpe bosenga na yo ezali nini ? Ekopesamela yo, ata soki ezali kati-kati ya bokonzi na ngai.

Ester 7:2

Mpe wana bazalaki komela vino na mokolo oyo ya mibale, mokonzi atunaki lisusu Ester : — Ester, mwasi ya mokonzi, bosenga na yo ezali nini ? Ekopesamela yo. Posa na yo ezali nini ? Ekopesamela yo, ata soki ezali koleka kati-kati ya mokili na ngai ya bokonzi.

Ester 9:12

Mokonzi alobaki na Ester, mwasi ya mokonzi : — Kati na engumba Size, Bayuda babomi mpe babebisi bato nkama mitano elongo na bana mibali zomi ya Amani. Basali nini kati na bituka mosusu ya mokonzi ? Sik’oyo, posa na yo ezali nini ? Bosenga na yo ezali nini ? Ekopesamela yo.

Malako 6:23

Mpe alapaki kutu ndayi epai na ye : — Nakopesa yo nyonso oyo okosenga ngai, ata ndambo ya bokonzi na ngai.

Luka 18:41

— Olingi nasala nini mpo na yo ? Mokufi miso azongisaki : — Nkolo, nalingi komona.

Misala ya Bantoma 23:19

Mokonzi ya basoda akamataki elenge mobali na loboko, amemaki ye na pembeni mpe atunaki ye : — Likambo nini olingi koyebisa ngai ?